Advertisement
 
 
 
 
 
 
 
 

Amakuru | Mu Rwanda

Kigali: Imikino ya gisirikare yafunguwe mu myiyerekano ibereye ijisho (Amafoto)   

  Yanditswe na IMVAHO NSHYA
 August 2016

 
 

Imikino ihuza inzego za gisirikare mu bihugu by’Umuryango wa Afurika y’Uburasirazuba “EAC Military Games and Cultural Event 2016” yatangiye kubera mu Rwanda ku wa Mbere ku ya 8 Kanama 2016.

Umuhango wo kuyitangiza waranzwe n’imyiyerekano y’ingabo z’ibihugu byitabiriye iyo mikino ndetse n’amatorero agaragaza umuco wa buri gihugu.

Wanitabiriwe n’Umugaba Mukuru w’Ingabo z’u Rwanda, Gen. Patrick Nyamvumba n’Umukuru w’Inteko Ishinga amategeko umutwe wa Sena, Bernard Makuza.

Iyi mikino yitabiriwe n’abasaga 500 bavuye mu bihugu byo muri aka karere birimo Uganda, Kenya, Tanzania n’u Rwanda. Mu mukino utangira, ikipe ya APR FC yatsinzwe na Ulinzi y’ingabo za Kenya igitego kimwe ku busa.

Imikino izongera kuba ejo taliki 10 Kanama 2016,Uganda ikina na Tanzania naho taliki 12 Kanama 2016, Kenya (Ulinzi) izakine na Tanzania.

Muri iyi mikino irimo kuba ku nshuro ya 10,uretse umupira w’amaguru hari no gusiganwa ku maguru, Netball mu bagore, Basketball na Handball mu bagabo. Uyu munsi taliki 09 Kanama 2016 haraba irushanwa ryo gusiganwa ku maguru “Cross Country” aho baza gusiganwa ibilometero 10.

Igihugu cy’u Burundi ntabwo kitabiriye iyi mikino izasozwa taliki 17 Kanama 2016.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.