2017-06-22 11:06:50 clouds 27o High | Kigali Rwanda

Dukurikire:
 
 

Kigali: Imihanda yerekeza ahabera inama ya AU yafunzwe, imishya irafungurwa

Yanditswe na Claude Ntawitonda

Kuya 2016-07-10 06:46:37

 
Share on:
 
Yasuwe:3
 
Yavuzweho:200
 
10
 
10

Mu gihe kuri iki Cyumweru hatangiye inama ya 27 y’Umuryango w’Ubumwe bwa Afurika (AU Summit) mu mujyi wa Kigali, Imihanda yose igera mu ihuriro ry’imihanda rya Kimihurura hafi ya Kigali Convention Center yose irafunze.

Polisi y’u Rwanda n’ubuyobozi bw’Umujyi wa Kigali byashyizeho imihanda izifashishwa mu gihe cy’inama ya 27 y’Umuryango w’Ubumwe bwa Afurika (AU Summit).

Iyi mihanda yafunzwe mu gihe n’umuhanda ujya ku kibuga mpuzamahanga cy’indege cya Kigali i Kanombe wimuwe ndetse imikoreshereze yawo irahindurwa nyuma y’aho umuhanda mushya uca munsi y’ikibuga wuzuye.

Imihanda yose yerekeza kuri iri sangano yafunzwe

Polisi y’u Rwanda yatangaje ko imihanda izifashishwa muri iki gihe cy’inama ya 27 y’uwo muryango yatangiye gukoreshwa kuri iki cyumweru tariki ya 10 Nyakanga 2016 kuko hari imihanda yafunzwe mu rwego rwo kugira ngo abakoresha umuhanda boroherezwe kandi ho kubaho umubyigano.

Umuvugizi wa Polisi y’u Rwanda Assistant Commissioner of Police (ACP) Celestin Twahirwa, yavuze ko iyo gahunda nshya yashyizweho kugira ngo imodoka zose zacaga mu ihuriro ry’imihanda rya Kimihurura (Aho bakunze kwita KBC) ziyoborwe mu mihanda yindi ihakikije kugira ngo bitabangamira imigendekere myiza y’inama igomba kubera kuri Kigali Convention Center ndetse n’inzira abashyitsi bazacamo bayijemo (Kanombe-Giporoso).

ACP Twahirwa yagize ati ". Abaturutse ku Kabindi berekeza Kisementi barakoresha umuhanda uva ku Kabindi ugaca munsi ya KBC ugakomeza imbere ya Ambasade y’Abaholandi ugahinguka ku masangano y’imihanda mashya yahashyizwe bagakomeza umuhanda mushya ubageza kuri Ministeri y’Ubutabera’’.

Naho abava ku bitaro bya Gisirikari bya Kanombe berekeza Giporoso, barakoresha umuhanda mushya washyizwe munsi y’ikibuga mpuzamahanga cya Kigali binjiriye ku Gasaraba bagahinguka hafi yo ku Cyamitsingi, cyo kimwe n’abava ku Giporoso bajya i Kanombe ku bitaro nabo bari bukoreshe uwo muhanda mushya.

Abashaka kujya ku kibuga cy’indege na bo bakoresha uwo muhanda mushya, bagera ku ihuriro ry’imihanda ryashyizwe ahateganye na MAGERWA bakazamukira aho bagahingukamo.

ACP Twahirwa yagize ati "Aho hose twavuze habaye impinduka hari abapolisi bashinzwe kuyobora abakoresha umuhanda.”

Umuvugizi wa Polisi aragira inama gukoresha indi mihanda isanzwe yorohereza cyane cyane abatwara ibinyabiziga nk’uwa Kabeza-Niboye-Rwandex, kimwe n’uhinguka kuri RDB uciye munsi ya Stade Amahoro I Remera ndetse n’uwa Kibagabaga-Gacuriro-Utexrwa-Kinamba.

Umutekano

Umuvugizi wa Polisi y’u Rwanda kandi akomeza avuga ko Polisi yiteguye bihagije akaba yizeza abanyarwanda umutekano usesuye mu gihe cyose cy’iyi nama.

ACP Twahirwa yagize ati "Imitwe yose ya Polisi y’u Rwanda yaba ushinzwe kubungabunga ituze rya rubanda, ushinzwe umutekano wo mu muhanda, ushinzwe kurwanya inkongi z’umuriro ndetse n’indi yiteguye bihagije ngo iburizemo icyashaka kubuza imigendekere myiza y’iyi nama nk’uko byagenze muzayibanjirije”.

Inama ya AU itegerejwemo abarenga 3500 barimo abakuru b’ibihugu bigize umuryango abagize komisiyo ndetse n’izindi mpuguke mu byiciro bitandukanye.

Iri sangano rihuza imihanda yerekeza mu bice bitandukanye by'umujyi wa Kigali Muri Convention Center hakiriye iyi nama hateye amabengeza

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE