Advertisement
 
 
 
 
 
 
 
 

Amakuru | Mu Rwanda

Kigali: Imibiri y’abazize Jenoside iracyabitse mu biro by’akagali   

  Yanditswe na TWAGIRA WILSON
 5 months ago

 
 

Abarokotse Jenoside yakorewe Abatutsi bo mu murenge wa Kimisagara, n’uwa Kigali baragaragaza impungenge z’uko imibiri y’ababo imaze igihe ibitse mu mashitingi mu biro by’Akagari ka Nyabugogo ikaba yarangiritse, bityo basaba inzego zibishinzwe nka Ibuka, n’akarere kubafasha iyo mibiri igasukurwa ikabikwa neza, ikabona uko izashyingurwa mu cyubahiro hamwe n’abandi.

Ubwo Imvaho Nshya yasuraga aho iyo mibiri ibitse, umuyobozi w’Akagari ka Nyabugogo Ndahayo Jean Baptiste yavuze ko nubwo ari mushya muri ako kagari, yemera ko ari ikibazo kimaze umwaka kizwi, nyuma yaho iyo mibiri ibonekeye mu gace ka Nyabugogo ikazanwa kubikwa mu biro by’akagari.

JPEG - 295.8 kb
Mu biro by’Akagali ka Nyabugogo ni ho habitse iyo mibiri y’abazize Jenoside (Foto Twagira W)

Abafite ababo bari bategereje ko hakomeza gushakwa indi mibiri y’abazize Jenoside biciwe hamwe n’abo mu mwaka wa 1994, maze bose bagashyingurwa hamwe.

Ati “Icyiza ni uko mwabaza gitifu w’umurenge kuko ari we ufite amakuru menshi afatika”.

Umunyamabanga Nshingwabikorwa w’Umurenge wa Kigali Rutubuka Emmanuel, yabwiye Imvaho Nshya ko na bo batishimiye ko iyo mibiri ibikwa mu buryo buteye impungenge, kuko iyo mibiri ibitse ahatarabugenewe, cyane ko iri mu mashashi n’ahantu hari ubukonje “Humidity.”

Ati “Nk’ubuyobozi tugiye gufatanya n’abarokotse, bo mu murenge wa Kigali, isukurwe, maze iyindi mibiri niboneka ijyanwe gushyingurwa ku Rwibutso rwa Gisozi, mu rwego rwo guha ababo icyubahiro bakwiye naho ubundi natwe ntabwo twishimiye ko imibiri ikomeza gufatwa kuriya.”

Umunyamabanga Nshingwabikorwa wa Komisiyo y’igihugu ishinzwe kurwanya Jenoside Dr Bizimana Jean Damascene, yabwiye Imvaho Nshya ko icyo ari ikibazo komisiyo yamenye, kuva kikiba, ku buryo hari umukozi wabo bagishinze.

Akomeza agira ati “Ni byo icyo kibazo twarakimenye, kandi birumvikana ko ari ikibazo, rero turimo kugikurikirana ku buryo hari ikigiye gukorwa.”

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAKK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.