Advertisement
 
 
 
 
 
 
 
 

Amakuru | Mu Rwanda

Kigali: Ibigo 22 byasinyanye na Leta kongera ibyoherezwa mu mahanga   

  Yanditswe na MUTUNGIREHE SAMUEL
 1 week ago

 
 

Ibigo 22 byo mu nzego zitandukanye z’abikorera mu Rwanda byashyize umukono ku masezerano y’ubufatanye na Leta y’ u Rwanda agamije kubifasha kongera ibicuruzwa byoherezwa hanze mu rwego rwo kongera amadevise nk’inkingi mwikorezi y’itarembere ry’ubukungu bw’u Rwanda.

Ubwo hashyirwaga umukono kuri ayo masezerano hagati y’ibyo bigo na Minisiteri y’Ubucuruzi, Inganda n’ibikorwa by’umuryango wa Afurika y’Uburasirazuba (MINEACOM) i Kigali kuri uyu wa 24 Ugushyingo 2016, Minisitiri Kanimba François ayamasezerano ashingiye ku ngamba zitandukanye Leta yashyizeho zo korohereza abikorera, zikazamura ubwinshi bw’ibyoherezwa hanze nyuma yo kubona ko mu myaka ibiri ishize ubukungu bw’u Rwanda bwahungabanye biturutse ku gaciro n’umusaruro n’ubwinshi bw’ibyoherezwa hanze byaguye.

Mu biganiro mpaka bigamije kongera ubuhangurambaga ku bikorera kugana isoko ryo hanze, Minisitiri Kanimba yavuze ko mu ngamba zashyizweho harimo n’ikigega cyunganira abohereza ibicuruzwa hanze “Export Growth Facility” kugira ngo bazibe icyuho cy’amadolari yoherezwa hanze kugura ibicuruzwa hanze akubye kabiri ayinjizwa n’ibicuruzwa bijya hanze.

JPEG - 97.7 kb
Minisitiri Kanimba asinyana amasezerano n’ibigo 22 by’abikorera

Ati “Twabonye ko mu myaka ibiri ishize ubucuruzi butagenze neza, kimwe mu byo twahisemo kwihutisha ni ugushaka ubufatanya n’abikorera tureba uko bakoroherezwa mu mbogamizi baba bahura nazo mu bucuruzi, ubukungu no mu karere bashoramo imari.”

Ikigega abikorera bashishikarizwa kwegera mu bucuruzi bw’ibyoherezwa hanze, gitanga ubufasha mu buryo butatu burimo kugabanyirizwa inyungu ku nguzanyo umucuruzi yasabye muri banki agamije kuvugurura cyangwa kohereza ibicuruzwa hanze, akagabanyirizwaho 6% ku nyungu agomba kwishyura iyo banki.

Uburyo bwa kabiri ni amafaranga atishyurwa umucuruzi ahabwa ku bikorwa byo kwagura ubucuruzi no kubumenyekanisha akuraho inzitizi yahuraga nazo mu mahanga aho yohereje ibicuruzwa; agahabwa kimwe cya kabiri cyayo kitarenga amadolari ibihumbi 100 asaga miliyoni 82 z’amafaranga y’u Rwanda.



Uburyo bwa gatatu bukaba ubwishingizi ku mucuruzi wamaze kubona isoko hanze, mu gihe ategereje ko banki yatsemo inguzanyo imuha arenga 60% by’iyo nguzanyo icyo kigega kimufasha kuyimuha.

Minisitiri Kanimba yasobanuriye abanyamakuru ko kuva mu 2010 Leta yari yihaye intego ko ibyoherezwa hanze bizamukaho 28% buri mwaka, iyo ntego ntiyagezweho kuko itarenze 20% biturutse ku musaruro wa bimwe mu bicuruzwa nk’ikawa, icyayi n’amabuye y’agaciro kimwe n’ibiva mu nganda byagushijwe n’umutekano muke uri mukarerere u Rwanda ruherereyemo. Ibyo ngo byakomye u Rwanda mu nkokora kuko byaguye ku isoko mpuzamahanga.

Umushoramari Sina Gerard yabwiye Imvaho nshya ko icyo kigega cya Leta gisa n’umubyeyi ubona ingorane umwana we ahura nazo mu kazi akamufasha, yongeyeho ko bizongerera imbaraga abasubikaga ibikorwa byabo ku byo bohereza hanze bikaruhaho kwiyongera.

Hagati y’umwaka wa 2014 na 2015 agaciro k’ibyoherezwa hanze karaguye kagera ku kigero cya 1%, gatangira kuzamuka mu mezi icyenda ashize y’umwaka wa 2016 aho kageze ku 10%; leta isanga kuzamura ishyaka ry’abikorera mu kongera ibicuruzwa hanze nk’igisibizo ku gusubirana k’ubukungu bw’igihugu binyuze mu bikorera.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.