Advertisement
 
 
 
 
 
 
 
 

Amakuru | Mu Rwanda

Kigali: Harigwa uko imisoro y’itabi yakomeza guhanikwa, abarinywa bakagabanuka   

  Yanditswe na NGUTEGURE MARIE SPECIOSE
 August 2016

 
 

Ishami rishinzwe indwara zitandura (NCDs) Minisiteri y’Ubuzima riratangaza ko harimo kurebwa ibihugu bya Afurika bigera 14 biteraniye i Kigali byiga uburyo imisoro ku itabi yakongerwa kugira ngo abanywi baryo bagabanuke.

Mu kiganiro itangazamakuru ryagiranye na Muhimpundu Marie Aimée ukuriye iri shami mu kigo cy’Igihugu cy’Ubuzima (RBC) yabwiye itangazamakuru kuri uyu wa Kabiri tariki 23 Kanama 2016, ko kongera imisoro biri mu by’ibanze ku murongo w’ibyigwa.

Yagize ati “Iyi nama y’iminsi ibiri igiye kureba ukuntu hakongerwa imisoro icibwa ku bucuruzi bw’itabi, ukuntu Minisiteri z’imari zareba uko iyo misoro yakongerwa noneho bigafasha abanywi b’itabi kuba barireka abatangizi nabo bakaba bataritangira kuberako ibiciro byiyongereye. Ni ikintu cyadufasha kurinda abaturage bacu.”

Muhimpundu yagarutse ku byiza byo guhanika imisoro mu gihe byagaragajwe koguhera mu mwaka wa 2007-2008 byatanze umusaruro kuko abarinywaga bagabanutseho 11% nubwo imisoro irikomokaho itagabanutse.

Yakomeje avugako itabi zitera indwara zitandura harimo iz’umutima nk’umuvuduko w’amaraso, kanseri z’ubwoko butandukanye n’izindi. Ubushakashatsi bwagaragaje ko umunywi w’itabi aba afite ibyago byo kurwara izo ndwara hejuru ya 80%.

Nkurunziza Emmanuel umukozi muri Minisiteri y’Imari n’Igenamigambi ushinzwe politike y’imisoro yagize ati “Ku bijyanye n’imisoro harebwa uko ibiciro bihagaze muri butike. Sosiyete zicuruza itabi mu Rwanda ziba zizi uko ibiciro bihagaze kubacuruzi badandaza hagakubwa 36% hongerwaho 20% kuri buri paki ifite amatabi 20 uko iminsi izagenda yiyongera.”

Abajijwe impamvu itabi ridacika burundu yavuze ko ku isi yose haboneka itabi kandi hari aho rinyobwa nk’umuco. Yashimangiye ko nubwo bizatwara igihe kinini , intego ari iyo kurandura itabi burundu mu Rwanda kuko ryangiza ubuzima.

Byitezwe ko mu gihe imisoro izazamuka n’igiciro kiziyongera noneho, abanywa itabi na bo bakagabanuka. Ibi ngo bizagira inyungu ku buzima bw’abaturage kuko n’ibyago byo kwandura indwara zitandura bizaba birimo kugabanuka.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.