Advertisement
 
 
 
 
 
 
 
 

Amakuru | Mu Rwanda

Kigali: Hafunguwe amaduka y’udukingirizo dutangirwa ubuntu   

  Yanditswe na IMVAHO NSHYA
 May 2016

 
 

Ikigo cy’Igihugu cy’Ubuzima (RBC) ku bufatanye n’Umuryango Mpuzamahanga ufasha mu kurwanya no gukumira Virusi itera SIDA (AHF/Rwanda) byatangije gahunda yo gukirakwiza udukingirizo mu mujyi wa Kigali, hakaba hari kiyosike (amaduka mato) enye zitangira kudukwirakwiza amasaha 24 kuri 24 mu turere twa Nyarugenge, Kicukiro na Gasabo.

Iyi gahunda yatangijwe mu gihe imibare igaragazwa n’Ikigo cy’Igihugu cy’Ibarurishamibare yerekana ko imibare y’abanduye virusi itera SIDA ikingana na 3% by’Abanyarwanda ariko bakaba biganjemo abakora uburaya bangana na 45% na bo biganje cyane mu Mujyi wa Kigali.

Na none kandi abanduye biganje mu bagifite imbaraga zo gukora bari hagati y’imyaka 15 na 49 y’amavuko. Ibarura rusange ku buzima bw’abaturage mu Rwanda (DHS) rya 2015 ryagaragaje ko ubwandu bwiganje cyane mu bagore bari ku kigero cya 4%mu gihe abagabo bari kuri 4% by’abaturarwanda.

Umujyi wa Kigali uvugwaho kuba ufite 6.3% by’abawutuye banduye Virusi itera SIDA mu gihe mu zindi ntara z’igihugu babarirwa ku kigero cya 2%. Iri barura ryashimangiye ko 31% by’abagabo n’abagore 48% ni bo babashije gukoresha agakingirizo, bityo bikaba bigiteye impungenge inzego z’ubuzima mu Rwanda.

Iyo bigeze ku bakora uburaya mu Mujyi wa Kigali, imibare yerekana ko umwe kuri babiri (51%) aba yanduye SIDA, bakaba babonwa nk’imwe mu nzira zihuse zo gukwirakwiza aka iki cyorezo kitarabonerwa umuti.

Imibare y’abakoresha agakingirizo iracyari hasi ugereranije n’uko byakagombye. Bivugwa ko 95% by’abagabo na 91% by’abagore babajijwe bazi neza ko agakingirizo karinda kwandura Virusi itera SIDA ariko imikoreshereze yako iracyari hasi.

Gahunda yo gukwirakwiza udukingirizo hifashishijwe kiyosike yatangijwe kuri uyu wa kane tariki 19 Gicurasi 2016, akaba ari bumwe mu buryo bwo guhangana n’iki cyorezo no guharanira ko ubwandu bushya bwagera kuri zero.

Biteganyijwe ko kiyosike yo mu karere ka Gasabo izajya ikorera imbere ya Sitade Amahoro mu Migina, Nyarugenge igakorera i Nyamirambo kuri 40 na ho Kicukiro ikaba mu Giporoso n’indi i Gikondo; utu duce tunavugwaho kuba dukorerwamo imibonanomuzabitsina kenshi.

Biteganyijwe kandi ko iyi gahuda izakwirakwizwa no mu tundi turere tw’igihugu twibasiwe na Virusi itera SIDA kurusha utundi.

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.