Advertisement
 
 
 
 
 
 
 
 

Amakuru | Mu Rwanda

Kigali: Hafashwe imodoka 2 zimaze igihe gito zibwe, zatangiye gukurwamo ibyuma   

  Yanditswe na RNP
 5 months ago

 
 

Polisi y’u Rwanda mu Mujyi wa Kigali yafashe imodoka ebyiri zibwe muri Kigali mu minsi ishize. Izo modoka zirimo iyo mu bwoko bwa Carina ifite nomero ziyiranga RAB 479K ya Ronald Ngabo n’indi ifite nomero ziyiranga RAC 387Q y’uwitwa Aaron Ndenga.

Izi modoka ngo zafatiwe ahantu hatandukanye ku itariki 1 Kanama mu kagari ka Mumena, ho mu murenge wa Nyamirambo, mu karere ka Nyarugenge. Ifite nomero RAB 479K yibwe ku itariki 27 Nyakanga ivanywe aho nyirayo yari yayisize ku Gisimenti, ho mu karere ka Gasabo, naho iya kabiri yibiwe i Gikondo ku itariki 7 Nyakanga, aha hakaba ari mu karere ka Kicukiro.

Umuvugizi wa Polisi y’u Rwanda, ACP Celestin Twahirwa yavuze ko umwe mu bacyekwa kwiba ifite nomero RAB 479K witwa Christian Mugisha yafashwe.

Yavuze ati "Nyuma y’aho tumenyeye ubu bujura uko ari 2, tubifashijwemo n’abaturage ba Nyamirambo baduhaga amakuru, Polisi yatangiye iperereza, ni bwo ku wa mbere nimugoroba twamenye aho izo modoka zari ziherereye, tuhageze dusanga umwe mu bakekwaho kwiba imwe muri zo witwa Mugisha arimo kuyivanamo ibyuma, duhita tumufata.”

Mu gihe iperereza rikomeje, uyu mugisha abaye afungiye kuri sitasiyo ya Polisi ya Rwezamenyo, bikaba bigaragara ko yashakaga kugurisha ibyuma byayo.

Indi modoka nayo yaje kuboneka nyuma gato, nayo yavanywemo ibyuma.
ACP Twahirwa yongeye aravuga ati:”Ubujura bw’imodoka ntibusanzwe mu Rwanda, ariko n’igihe bubaye, buri gihe turazifata tugafata n’abakekwaho ubwo bujura.”

Yakomeje avuga ko guhita utanga no guhanahana amakuru aricyo kintu cy’ingenzi gituma ibyibwe bifatwa ndetse n’ababigizemo uruhare.

Yaboneyeho umwnya wo gusaba abaturage kwirinda kugura ibikoresho by’ibyibano ndetse no kugurira ku masoko atemewe kugirango ababigura batazajya bafatwa nk’abajura cyangwa ibyitso byabo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.