Advertisement
 
 
 
 
 
 
 
 

Amakuru | Mu Rwanda

Kigali: Gereza isimbura iya 1930 izafungura muri Mutarama 2017   

  Yanditswe na NTAWITONDA JEAN CLAUDE
 4 months ago

 
 

Minisiteri y’Ubutabera yemeje ko Gereza ya Mageragere iri kuzura mu Murenge wa Mageragere Akarere ka Nyarugenge isimbura gereza ya Kigali n’iya Kimironko izatangira gukora bitarenze muri Mutarama 2017 kuko bimwe mu bibazo byari bisigaye gukemurwa byatangiye kujya mu buryo.

Umunyamabanga Uhoraho muri Minisiteri y’Ubutabera Kalihangabo Isabelle yashimangiye ko nta kabuza iyi gereza izatangira kwakira abagororwa mu ntangiro z’umwaka utaha mu gihe iyi gereza yatangiye kubakwa muri Nyakanga 2014.

Ibi yabitangarije mu nama ihuje abahagarariye inzego z’Ubutabera mu Rwanda basuzumira hamwe ibyagezweho mu mwaka w’imari ya 2015/2016.

gereza ya Mageragere ngo ikurikije ibipimo mpuzamahanga

Yagize ati “Imirimo yaho igeze kure kandi ibya ngombwa bikeneweyo birahari; icyo twari dufiteho ikibazo ni ikijyanye n’amazi n’amashanyarazi ariko na ho inzego zibishinzwe zatangiye kubijyanayo ni icyo cyonyine cyari kitudindije. Na ho ubundi Mageragere iri hafi kurangira.”

Igihe ntarengwa iyi gereza igomba gutangirira gitangajwe mu gihe bamwe bari biteze ko itagomba kurenza uyu mwaka wa 2016 yuzuye kuko byabanje kuvugwa ko igomba gutahwa muri Kamena nyuma biza kwimurirwa mu Kwakira ariko aya mezi yose yamaze kurangira.

Biteganyijwe ko iyi gereza izaba ikozwe mu buryo bwubahirije ibipimo mpuzamahanga bituma abafungiwemo bisanzura, kandi ngo izajya yakira abagabo naho abagore bakoherezwa muri gereza zabagenewe zirimo iya Nyagatare n’iya Ngoma.

Inzego z’Ubutabera zemeza ko kugeza ubu Ubutabera buhagaze neza mu Rwanda kuko Abanyarwanda babwishimira ku kigero kiri hejuru ya 70%.

 

Comments

 
 
 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

 Abaturage barasabwa kugana inzu zitanga ubufasha mu by’amategeko
Abaturage barasabwa kugana inzu zitanga ubufasha mu by’amategeko

Yankurije Odette, Umuyobozi mukuru muri Minisiteri y’Ubutabera ushinzwe kwegereza abaturage ubutabera, asaba abaturage kujya bagana ibiro bitanga ubufasha mu by’amategeko haba mu gihe gisanzwe no (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.