Advertisement
 
 
 
 
 
 
 
 

Amakuru | Mu Rwanda

Kigali: Editions Bakame yongeye umubare w’ibitabo bitinyura abana kuvuga   

  Yanditswe na IMVAHONSHYA
 2 months ago

 
 

Iyandikiro ry’ibitabo bigenewe abana n’urubyiruko b’u Rwanda rizwi nku izina rya Editions Bakame ryashyize hanze ibitabo bine bigenewe abana mu mpera z’iki cyumweru.

Ubuyobozi bw’iri yandikiro bwemeza ko ari amahirwe ku bana bari hagati y’imyaka itatu na 10 yo gutyaza ubwenge, kumenya gusoma no gutinyuka kuvuga basangiza abandi inkuru zinogeye amatwi basomye muri ibi bitabo.

Umuyobozi wa Editions Bakame mu Rwanda Agnes Gyr-Ukunda, yashimangiye ko ibi bitabo bine birimo icyitwa ‘Uruhimbi rwa Nyanka’ n’ikindi cyitwa ‘Akajangwe Buroho’, biri mu byafasha abana gutinyuka kuvuga.

Ku myaka 20 Denyse yatangiye kwandika ibitabo bifasha abana mu mikurire yabo ijyanye n'umuco nyarwanda

Nyuma y’umuhango wo kumurikira abana ibi bitabo bishya, Agnes Gyr-Ukunda yagize ati “Igitabo kimara irungu umwana ari na cyo cyifuzo cy’ababikora ndetse n’abarezi n’ababyeyi, twagombye gufatanya twese kuko igitabo gifasha umwana. Arasoma akishima, akanezerwa, akabwira undi mwana ibyo yasomye bikamufasha gutinyuka kuvuga, umwana nk’uyu igitabo kimufasha gutyaza ubwenge no kumva afite ijambo mu bandi.”

Yakomeje ashimangira ko ibitabo byose byasohowe na Edition Bakame byanditswe mu buryo bufasha abana bakiri bato ndetse n’ingimbi gukurana ubwenge bushingiye ku muco nyarwanda.

Ibirori byo kumurika ibi bitabo byari byitabiriwe n’ababyeyi b’ababana batumiwe, na bo bagaragaje ko bagenda babona inyungu zo gutoza umwana gusoma akiri muto. Aba babyeyi bashimangira ko ari bwo buryo bwiza bwo kuzamura umuco wo gusoma mu banyarwanda.

Denyse Umuhuza w’imyaka 20 y’amavuko wiga muri Kaminuza ya Kepler ni we wanditse igitabo “Uruhimbi rwa Nyanka”. Yahamije ko yandikira abana kugira ngo abasangize ku bunararibonye yakuye kuri nyirakuru mu bijyanye n’imigani, kandi ngo na we asigaye ahimba ibitekerezo.

Kubwo gukunda kwandika yishimira ikigero amaze kugeraho ndetse afite n’inzozi zo kwandikira n’abantu bakuru; yashimiye Edition Bakame ikomeje kumufasha kugera ku nzozi ze.

Editition Bakame imaze imyaka 21 ikorera mu Rwanda; ibitabo byakoze ku mitima ya benshi mu gihugu ni “Humura shenge”, “Umukobwa w’ingona”, “Yifuje ubwiza”, “Abana b’inkubaganyi”, “Undutira abandi” ndetse n’ibindi.

Akanyamuneza kari kose ku babyeyi babonaga uburyo abana banyuzwe n'ibitabo bamurikiwe Abana bahawe umwanya wo kwigana ibyo babonye mu bitabo 'Ibitabo bifasha umwana mu mikurire, kwidagadura, gutyaza ubwenge n'ibindi' Umuyobozi wa Editions Bakame mu Rwanda, Agnes Gyr-Ukunda aha abana impano y'igutabo yanditse

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.