2017-08-18 14:28:59 clouds 27o High | Kigali Rwanda

Dukurikire:
 
 

Kigali: Dr Nkosazana yiyumvamo ubushobozi bwacecekesha imbunda

Yanditswe na IMVAHO NSHYA

Kuya 2016-07-11 20:20:14

 
Share on:
 
Yasuwe:0
 
Yavuzweho:200
 
10
 
10

Umuyobozi wa Komisiyo y’umuryango w’Afurika yunze ubumwe Dr Nkosazana Dlamini Zuma yagaragaje ubushobozi umugore wa Afurika afite mu guharanira amahoro arambye, n’intambara zikaba zahosha mu gihe gito.

Ubwo yasozaga inama y’abagore baturuka mu bihugu bitandukanye bya Afurika bava mu miryango n’amashyirahamwe bifite aho bihurira n’uburenganzira bw’umugore yagaragaje ko abagore hari icyo bakora mu guharanira guharanira amahoro muri Afurika kuko bagize umubare munini w’abayituye.

Yakomeje avuga ko nk’abagore hari icyo bakora ku ntambara yongeye kubura muri Sudani y’Epfo, ati “Nitwe benshi,ubwinshi bwacu ni imbaraga; nimureke ducecekeshe imbunda. Ni nde ujyaho tutamutoye yaba intumwa za rubanda, yaba Perezida nitwe tubatora… birakwiye ko tubabaza inshingano biyemeje.”

Abagore bo mu bihugu biyandukanye nyuma yo guhabwa impanuro basoje inama y'iminsi ibiri

Dr Nkosazana yashimansiye ko ’intambara yubuye muri Sudani y’Epfo ibabaje kuko abayobozi bahugiye mu guharanira gusaranganya ubutegetsi birengagije nshingano zo kurinda abenegihugu,

Ati “Baratekeza igabana ry’ubutegetsi aho gutekereza ku nshingano zo kurinda abenegihugu, ni abana bacu barimo gupfa, ni abagore bari kure y’abana babo, ni abagore barimo guhabwa inkunga z’ibiribwa na byo bidahagije.”

Yasabye abagore gukomeza gushyira hamwe imbaraga hagamijwe kureba niba intego ziri muri gahunda ngali Leta zabo zihaye zishyirwa mu bikorwa hanarebwa niba izita ku mugore zishyirwa kuri gahunda buri mutwe wa Politiki uba warihaye.

Yanaboneyeho gusaba abo bagore gukomeza kugira uruhare mu gukemura amakimbirane y’ubwoko bwose mu guharanira amahoro arambye .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE