2017-11-23 07:27:17 clouds 27o High | Kigali Rwanda

Dukurikire:
 
 

Kigali: Batatu barashinjwa kwambura biyita abakozi b’Urwego rw’Umuvunyi

Yanditswe na IMVAHO NSHYA

Kuya 2016-11-10 13:39:00

 
Share on:
 
Yasuwe:6
 
Yavuzweho:200
 
10
 
10

Polisi y’Igihugu yerekanye abagabo babiri n’umukobwa umwe bakurikiranyweho icyaha cy’ubwambuzi bushukana bukorerwa kuri telefoni, aho bahamagara abafite imanza bababeshya ko bakorera Urwego rw’Umuvunyi.

Makamba Manasseh na Ndayishimye Joseph biyemerera ko bakoresha telefoni bigize abakozi b’Urwego rw’Umuvunyi bagatekera abantu bafite ibibazo mu nkiko bakabarya utwabo. Umukobwa umwe utamenyekanye amazina ubwo biteguraga kwerekwa itangazamakuru yicaye hasi akarira asubizwa aho yari acumbikiwe.

Makamba ukomoka mu karere ka Rusizi yemereye itangazamakuru ko yiyise umukozi w’Urwego rw’Umuvunyi agamije indonke, ati “Ndaregwa ubwambuzi bw’ubutekamutwe aho nagize uruhare ngahamagara Fulgence ngo ampe ibihumbi 300 nkazamufasha mu rubanza rwe. ”

JPEG - 441.9 kb
Makamba Manasseh na Ndayishimiye Joseph bakurikiranweho icyaha cy’ubwambuzi bushukana

Akomeza avuga ko bafite itsinda rigenda ryiyitirira ubucamanza cyangwa abagize Urwego rw’Umuvunyi kugira ngo babone amaramuko. Bivugwa ko itsinda ryabo rigizwe n’abantu batanu.

Babiri mu bakurikiranywe bafashwe bamaze guhabwa amafaranga y’u Rwanda ibihumbi 400, ariko bacakirwa batarayagabana ngo bayakoreshe. Umukobwa utabashije kkwerekwa itangazamakuru ngo ni we wari uyoboye itsinda ryahise ritabwa muri yombi.

Umuvugizi wa Polisi y’u Rwanda ACP Theo Badege yavuze ko bafite imikoranire myiza n’Urwego rw’Umuvunyi ari na yo mpamvu abaruharabika bahise bafatwa vuba.

JPEG - 370.3 kb
ACP Theos Badege Umuvugizi wa Polisi y’igihugu aganira n’abanyamakuru, yikomye abakora ubwambuzi baharabika inzego za Leta

Yagize ati “Dufite imikoranire myiza n’Urwego rw’Umuvunyi kuko Polisi ni yo ifasha kugira ngo harwanywe abantu bagamije kuyobya abandi babaka ruswa bagambiriye kwangiza isura y’uru rwego”

Uakomeje ashimangira ko uhamwe n’icyaha cy’ubwambuzi bushukana ahanishwa igifungo cy’imyaka itatu ndetse n’ihazabu y’amafaranga y’u Rwanda 500,000 nk’uko bigaragara mu gitabo cy’amategeko ahana y’u Rwanda mu ngingo ya 616.

Umuvugigizi w’urwego rw’umuvunyi Kajangana Jean Aime yemeje ko basanzwe bafite amakuru y’abantu biyitirira uru rwego bagamije kuruharabika.

Yagize ati “Usanga umuntu yifata agahamagara ufite ikibazo icyo ari cyo cyose mu nkiko, akamusaba ruswa kugira ngo acyihutishe”. Yahamije ko hakomeje iperereza ku bagerageza ubu bwambuzi bose ngo bashyikirizwe ubutabera.

Yasabye buri munyarwanda kuba maso uwagira ikibazo nk’icyo akabimenyesha polisi cyangwa umukozi w’uru rwego umwegereye.

JPEG - 322 kb
Kajangana Jean Aime Umuvugizi w’Urwego rw’Umuvunyi aganira n’abanyamakuru

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE