Advertisement
 
 
 
 
 
 
 
 

Amakuru | Mu Rwanda

Kigali: Babiri bakekwaho gucuruza inzoga zakozwe n’inganda zahagaritswe   

  Yanditswe na NIYONSENGA SCHADRACK
 March 2016

 
 

Ikigo cy’igihugu gishinzwe imisoro n’amahoro (RRA) cyerekanye umugabo n’umugore bacuruza inzoga ziriho ikirango cy’umusoro (tax stamp) cy’igihimbano, ndetse kaba banakekwaho gucuruza izakozwe n’inganda zamaze guhagarikwa n’ikigo k’igihugu gishinzwe ubuziranenge (RBS).

Abafatanywe izi nzoga ziriho inyemeza musoro mpimbano ni Uwizeye Grace na musaza we Habyarimana Jean Bosco, bemeza ko batari bazi ko bacuruza ibitemewe kuko bari bafite uwabaranguzaga ariko bakaba batari bazi ko ibirango biri ku bicuruzwa byabo bitemewe.

JPEG - 358.3 kb
Abafatanywe inzoga zitemewe zitanasorewe bavuga ko bafatiwe ibyo batazi

Uwizeye Grace ati, “Umuntu yanzaniye inzoga amakarito 11 Rwanda Revenue ije bavuga ko icyapa kiriho atari icyabo. Zari zihagaze nk’ibihumbi 100. Njyewe ntabwo nzi gutandukanya igipapuro cya RRA n’ikitari icyayo kuko iyo hariho icyapa umuntu aba abona ko ari icya RRA. “

Yakomeje agira ati “Ubu ndemera icyaha kuko bansanganye icyapa kitari icyabo. Izo bamfatanye ni ku ncuro ya gatatu uwo muntu yari izanzaniye.”

Habyarimana we avuga ko yafashwe acururiza mushiki we yagize ati “Icyo nasaba ni imbabazi cyane cyane ko tutari tunabizi. Icyo nakora ni uko izo nzoga nazireka burundu kuko sinzi kuzitandukanya.”

Ubuyobozi bwa RRA ntibwemeranywa n’aba bacuruzi bavuga ko batari bazi ibyo bakora kuko hari bimwe mu byari gutuma bashishoza nko kudahabwa inyemezabwishyu (facture), kuba bene izo nzoga zigira inimero imwe kuducupa twinshi ndetse no kuba inganda ubwazo zarahagaritswe mu Rwanda ngo byakwereka abaranguzi ukuri.

Mugabe Robert ni komiseri wungirije ushinzwe ubuziranenge muri RRA, yagize ati “Niba uri kugura n’umuntu utemerewe gukora izo nzoga bihita bikwereka ko n’icyapa zifite kitujuje ubuziranenge. Bene biriya byapa bya pirate barabisikana, akenshi n’iyo ugikozeho ubona ibyanditseho bihanagurika kuko baba bagisikaninze cyane. Sinavuga ngo biragoye kumenya ko kasha z’inyemezamisoro ari impimbano.”

Yakomeje agira ati “Ikindi kandi n’inzoga bacuruzaga zavuye mu ruganda rwahagaritswe kuko ubu bene ziriya nzoga zemerewe gukorwa n’uruganda rwa ‘Speranza’ gusa. Iki ni ikibazo tuzi ko gihari ariko icyo dusaba abantu bishaka gukora ibintu binyuranyije n’amategeko.”

Bivugwa ko abafashwe ubu bagiye gushikirizwa inzego z’ubutabera bakurikira, ubutabera akaba ari bwo buzagena ibihano bakwiriye bamaze guhamwa n’icyaha.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.