Advertisement
 
 
 
 
 
 
 
 

Amakuru | Mu Rwanda

Kigali: Abize ishami ritamenyerewe bakuwe ku kazi k’ubuforomo bibutswe   

  Yanditswe na GATETE JEAN BOSCO
 3 months ago

 
 

Minisiteri y’Ubuzima (MINISANTE) yagaruriye icyizere abanyeshuri barangije cyangwa bacyiga mu ishami kuvura, gusuzuma no gutanga imiti (Clinical Medicine and Community Health) bafite impungenge z’uko bakuwe mu kazi k’ubuforomo ubwo bari bakiri ku rwego rwa A1 na A2.

Brangije amashuri yisumbuye mu bijyanye na Sciences, bajya kwiga mu cyahoze ari KHI (ubu ni ishami rya Kaminuza y’u Rwanda/UR-CMHS) ibijyanye n’iri shami bamwe ngo bizezwa kuzayobora ‘Ibigo Nderabuzima’nyuma yo kubarihira amafaranga yose y’ishuri.

Iri shami ryatangiye mu 2011, mu mwaka wa 2013 haboneka abarangije bwa mbere ariko kugeza na n’ubu baheze mu gihirahiro kuko batahawe akazi kandi barakuwe aho bakoraga ubuforomo ngo bajye kwiga, bituma bandikira Minisiteri y’Ubuzima na Minisitiri w’Intebe.

JPEG - 60.1 kb
Minisitiri w’Ubuzima Dr Diane Gashumba

Mu ntangiriro z’icyumweru gishize tariki ya 9 Ugushyingo ni bwo aba banyeshuri bahuye n’abadepite bagize Komisiyo irebana n’iby’Uburezi ngo basuzume ikibazo cyabo.

Mu kiganiro cyihariye na Imvaho Nshya, Minisitiri w’Ubuzima Dr Gashumba Diane yemeje ko barimo gukora ibishoboka byose ngo abize iri shami boroherezwa ku isoko ry’umurimo. Icya mbere minisiteri igiye guheraho ngo ni ukubashyiriraho urugaga rubahuza binyuze muri Minisiteri y’Abakozi ba Leta n’Umurimo.

Minisitiri Dr Gashumba yagize ati “Turimo gukorana na Minisiteri y’abakozi ba Leta n’umurimo na Komisiyo ishinzwe ivugururwa ry’amategeko kugira ngo abize iryo shami ry’ubwo buvuzi rishyirweho bagire aho bahurira bityo binabafashe kugira umurongo mwiza w’imikorere.”

Ku kibazo cy’uko haba harabayeho gutinda gushyirwa mu rugaga Minisitiri yagize ati “Kugira ngo urwego rujyeho hari inzira bisaba ni yo turimo, ibyo turimo byose bigamije kugira ngo uru rugaga rugeho rufite amategeko arugenga, icyo gihe n’uwakosheje agira aho agirirwa inama hazwi n’igihugu, uretse n’ibyo bizababera n’inzira yo kugira agaciro ku isoko ry’umurimo nkuko abaganga abavoka n’abandi bafite ingaga bahuriramo zibafasha gutera imbere.”

Dr Gashumba yizeza abo bose bize muri iryo shami ko mu gihe kiri imbere baba bashyiriweho urwego rwabo bahuriramo bityo n’ibibazo bahuraga nabyo bimaze iminsi bivugwa byo kuba bararangije ntibabone akazi bibonerwe inzira yo kubikemura.

JPEG - 285.3 kb
Bamwe mu barangije muri iri shami bahuye n’Abadepite mu cyumweru gishize

Umuyobozi w’ishuri ry’ubuvuzi n’ubundi bumenyi bubushamikiyeho Dr Kagwiza Jeanne avuga ko abo bantu ari ingenzi cyane mu rwego rw’ubuvuzi.

Ati “Bari hagati y’abaganga n’abaforomo bashobora gukora mu bigo nderabuzima ahaba hakenewe ubuvuzi bw’ibanze kandi bukenewe cyane n’abaturage, iyo umurwayi abagezeho baramusuzuma babona indwara arwaye ikomeye isaba ubuvuzi bwisumbuye bakamwohereza mu bitaro bikuru, ariko iyo basanze indwara arwaye bayivura icyo gihe umurwayi aravurwa.”

Akomeza avuga ko uretse kuvura bo banafite umwihariko mu byo bize, ati “Si abadogiteri ariko nk’iyo indwara n’ibyorezo biri mu baturage baritabazwa bakajyayo bagapima izo ndwara basanga zavurirwa aho bagaha abaturage imiti, ni abantu bitabazwa cyane mu gukumira indwara n’ibyorezo no kubirwanya mu gihe bibaye muri sosiyete kuko bo baba bazi no kwigisha abaturage uko birinda indwara ibyo bikiyongera ku bumenyi baba bafite bwo kuvura.”

Avuga ko umubare wabo wiyongereye bagashyirwa hirya no hino mu bigo nderabuzima byafasha cyane mu rwego rw’ubuzima. Bivugwa ko abamaze kurangiza bagera ku 103.

 

Comments

 
 
Gisagara:Abaturage bahamya ko gutwikira ibiyobyabwenge mu ruhame bibasigira isomo
Gisagara:Abaturage bahamya ko gutwikira ibiyobyabwenge mu ruhame bibasigira isomo

Abaturage bo mu murenge wa Ndora mu karere ka Gisagara mu ntara y’Amajyepfo, batangaza ko kuba ubuyobozi bufata umwanya wo kubigisha ku bubi bw’ibiyobyabwenge ndetse bagafatanya kubimena no (...)

  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.