Advertisement
 
 
 
 
 
 
 
 

Amakuru | Mu Rwanda

Kigali: Abaturage 100% bafitiye icyizere Perezida Paul Kagame   

  Yanditswe na IMVAHO NSHYA
 4 months ago

 
 

Ikigo cy’Igihugu cy’Iterambere (RGB) cyagaragaje ko abarutage 100% bo mu mujyi wa Kigali bafitiye icyizere Perezida Paul Kagame, bikaba bikubiye mu bushakashatsi bwa 2016 bwakozwe ku buryo abaturage babona imiyoborere na servisi bahabwa n’inzego za Leta.

Ubu bushakashatsi bugaragaza ko Igipimo rusange cy’uburyo abaturage babona imiyoboerere na servisi bahabwa mu nzego z’ibanze gihagaze kuri 67.7% mugihe 2015 cyari 71.1%. RGB ivuga ko igabanuka ry’iki gipimo ahanini ryatewe n’uko imyuvire y’abaturage ku burenganzira bwabo yazamutse.

Ubushakashatsi bwagaragaje ko muri rusange abaturage bo mu Mujyi wa Kigali bafitiye Perezida wa Repubulika icyizere 100%. Muri Nyarugenge bamufitiye icyizere 100%, muri Gasabo ni 99.6% naho muri Kicukiro ni 99.7%.

JPEG - 237.3 kb
Abatuye muri Kigali bose bafitiye icyizere Perezida paul Kagame

Inzego z’umutekano zifitiwe icyizere ku buryo bushimishije aho Inkeragutabara zizewe ku kigero cya 76.6%, DASSO ku kigero cya 86.1%, Polisi y’Igihugu 97.1% naho Ingabo z’u Rwanda zikizerwa ku gipimo cya 99.0%.

Ubushakashatsi bwagaragaje kandi ko Abanyarwanda 52.1% ari bo bishimira uko bashyirwa mu byiciro by’Ubudehe, naho abagera 58.9% bakishimira uruhare rwabo mu bibakorerwa.

Ubuyobozi bw’Umujyi wa Kigalibushimangira ko ibyavuye muri ubu bushakashatsi bigaragaza ko abayobozi b’inzego z’ibanze bagomba kongera imbaraga mu ruhare abaturage bagira mu bibakorerwa cyane ko abishimira serivisi bahabwa n’inzego z’ibanze ari 75.9% mu gihe 18.0% bazinenga.

Abaturage 62.7% bishimira serivisi bahabwa mu rwego rw’ubutabera, naho 16.0% barazinenga. Abaturage bagaragaje ko ubujura ari kimwe mu bihungabanya umudendezo wa rubanda cyane ku kigero cya 75.7% bugakurikirwa n’amakimbirane yo mu miryango n’ay’igitsina.

 

Comments

 
 
Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.