Advertisement
 
 
 
 
 
 
 
 

Amakuru | Mu Rwanda

Kigali: Abashoferi 16 bafashwe batanga ruswa mu cyumweru gishize   

  Yanditswe na RNP
 2 months ago

 
 


Polisi y’u Rwanda yafashe abantu 16 batwaye bnyabiziga bagerageje guha ruswa abapolisi bari mu kazi.

Umuvugizi w’ishami ryayo rishinzwe umutekano wo mu muhanda, Chief Inspector of Police (CIP) Emmanuel Kabanda yavuze ko aho kwemera ibihano; bamwe mu batwara ibinyabiziga bagerageza guha ruswa y’amafaranga abapolisi bari mu mirimo kugira ngo batabahanira kwica amategeko y’umuhanda.

Yagize ati:"Mu cyumweru gishize honyine twafashe abatwara ibinyabiziga 16 bagerageje gutanga ruswa. Uretse kuba ari icyaha; kwica amategeko y’umuhanda bishyira ubuzima bw’abawukoresha mu kaga kuko biteza impanuka."

CIP Kabanda yongeyeho ko abenshi mu bafashwe bagerageza kuyitanga bafatiwe mu Mujyi wa Kigali.

Yagize ati:"Kubungabunga umutekano wo mu muhanda bivuga kugenzura urujya n’uruza rw’ibinyabiziga no guhana abishe amategeko abigenga. Tuzi icyo abagerageza guha ruswa abapolisi baba bagambiriye; uretse ko batabigeraho; nk’uko byagendekeye abafashwe muri iki cyumweru, ibi bikaba bikwiriye kubera urugero n’undi wese ko nabigerageza azabiryozwa."

Mu myaka ibiri ishize abagera kuri 400 bafashwe bagerageza guha ruswa abapolisi; kandi abenshi muri bo ni abatwara ibinyabiziga.

CIP Kabanda yakomeje ubutumwa bwe agira ati:"Ruswa igira ingaruka mbi ku bukungu n’iterambere ry’igihugu. Buri wese arasabwa rero kugira uruhare mu kuyirwanya atanga amakuru y’abo ayikekaho."

Yasabye kandi ba nyiri ibinyabiziga kuba abafatanyabikorwa mu kubungabunga umutekano w’abakoresha umuhanda bakurikirana ko abo babihaye ngo babikoreshe imirimo itandukanye bubahiriza amategeko y’umuhanda.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.