Advertisement
 
 
 
 
 
 
 
 

Amakuru | Mu Rwanda

Kigali: Abanyarwanda 21 biyemeje kubagwa by’umurimbo   

  Yanditswe na TWAGIRA WILSON
 2 months ago

 
 

Ibitaro byitiriwe Umwami Faisal biherereye mu mujyi wa Kigali byakiriye Abanyarwanda 21 ba mbere bifuza kubagwa by’umurimbo nyuma y’igihe kitageze ku cyumweru bitangaje ko byazanye sirivisi yo kubaga abantu batanyuzwe n’uko umubiri wabo uteye.

Abanyarwanda bagera kuri 21 ni bo baje ku ikubitiro bifuza guhabwa serivise zo kubagwa bimwe mu bice by’umubiri nk’amabere (kuyagabanya, kuyahaga no kuyahagarika) , kugabanyisha mu nda, kugabanyisha amatwi n’ibindi.

Abaje kubagwa biganjemo abagore bavuga ko serivisi bahabwa irimo kugabanwa ingano ya amabere yabo babwiye itangazamakuru ko bishmiye iyo servisi ubusanzwe bajyaga gushaka mu bindi bihugu byateye imbere mu buvuzi bigatuma batanga amafaranga menshi mu ngendo.

Umwe muri bo yagize ati ubu “Serivisi barayitwegereje, nta ngendo za kure tuzongera gukora…’’

Nkuko bitangazwa n’ikigo cyo muri Leta Zunze Ubumwe za Amerika gitanga izi serivisi zo kubaga by’umurimbo, ibiciro bijya hejuru y’amadolari ya Amerika 3000 angana n’amafaranga y’u Rwanda miliyoni ebyiri n’ibihumbi bisaga 400 hatarimo amatike.



Abaganga bo muri Faisal bazatanga izi serivisi bavuga ko zizajya zigura amafaranga y’u Rwanda atari hejuru ya miliyoni ebyiri, kikaba ari igiciro kiri hasi cyane ugereranyije n’uko byahendaga abajya kuzishaka mu mahanga.

Kunshuro ya mbere ubu Abanyarwanda ntibazongera gutanga akayabo k’amafaranga bajya gushaka izi serivisi.

Ubuyobozi bw’ibitaro byitiriwe umwami Fayisali (King Faisal Hospital), butangaza ko kwisuzumisha byatangijwe mu gihugu, aho bizakorwa inshuro enye guhera ku wa gatandatu tariki 17 Nzeri gisozwe taliki 8 Ukwakira 2016.

Iyi gahunda iyobowe n’inzobere y’Umunyarwanda, Lt Col Dr. Furaha Mao, uvuga ko abaje bagana ibitaro babanza gusuzumwa nyuma hakazakurikiraho kubaga abo bigaragara ko ari ngombwa.

Yagize ati “Iyi gahunda ishingiye ku kugabanya cyangwa kongera zimwe mu ngingo z’umubiri, bitewe n’uko ubishaka abyifuza ariko si bose byakunda bitewe n’imiterere y’imibiri yabo.”

Abenshi babona iyi gahunda iziye igihe

Abenshi mu banyarwanda bavuga ko iyi gahunda yo kwibagisha bimwe mu bice by’umubiri iziye igihe kuko nta muntu n’umwe wagubwa nabi no kugaragara neza.

Bamwe bavuga ko hari ubwo babangamirwa na bimwe mu bice by’imibiri yabo ariko ntibibakundire kubona uko babigabanyisha cyangwa ngo babyikize.

Assumpta Mukamana, umucuruzi mu Isoko rya Nyarugenge mu mujyi wa Kigali, yemeza ko kuri we amafaranga atari cyo kibazo kuko aberaho kurimbisha umuntu no kumutunga. Yagize ati “Amafaranga si ikibazo kuri jye, niba koko nakwibagisha nkajya kuri taye nifuza, nzanyarukirayo rwose.”

Vestine Mukeshimana, umuganga ukorera muri imwe muma farumasi m’umurenge wa Kimironko, abona abakobwa n’abagore ari bo basubijwe cyane.

Yagize ati “Abenshi mu bagore tuganira bifuza ko bagabanya umubyibuho ariko ngo birahenze cyane kujya janze y’igihugu. Ubu rero iyi serivisi kuba yaje mu Rwanda bazayitabira ari benshi.”

Gusa hari bamwe bagaragaza impungenge zo kuba bumva ko izi serivisi zigomba gufatwa n’umuntu wiyemeje kugerwaho n’ingaruka mu gihe umubiri utabyakiruye neza.

Soma indi nkuru bijyanye: Abanyarwanda batanyuzwe n’umubiri wabo bahawe amahirwe yo kwibagisha

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.