Advertisement
 
 
 
 
 
 
 
 

Amakuru | Mu Rwanda

Kigali: Abakozi ba Hoteli Marriott bibutse Abatutsi bazize Jenoside   

  Yanditswe na Gisubizo Gentil M.
 May 2016

 
 

Abayobozi n’abakozi ba Hoteli Marriott Kigali bibutse abazize Jenoside nka kimwe mu bikorwa bamazemo icyumweru bijyanye no kwegera umuryango nyarwanda.

Hoteli Marriott ni hoteli mpuzamahanga, yafunguye imiryango mu minsi ishize yakira amanama atandukanye akomeye mu gihugu; Jean Desire Ntawiniga umwe mu bayobozi b’iyi hoteli yavuzeko ku isi yose basanzwe bagira igikorwa ngarukamwaka kigizwe no guhemba no gushimira abakozi bakanakoramo ibikorwa bitandukanye.

Avuga ko muri iki cyumweru ku wa Gatatu bahisemo gusura abana baba mu kigo cy’impubyi i Remera bagasangira na bo bakanabagenera impano, nyuma ya saa sita akaba ari bwo bakoze urugendo rwo kwibuka Jenoside yakorewe Abatutsi bamagana n’abagifite ingengabitekerezo ya Jenoside.

Yulia Bogdanova Umuyobozi ushinzwe abakozi ba Hoteli Marriott Kigali yatangaje ko ibikorwa nk’ibi babimazemo iminsi kuko no mu kwezi gushize basuye umudugudu w’abarokotse bakifatanya nabo kwibuka ndetse bakifatanya nabo gutera ibiti.

Yavuze ko Marriott Hotel izakomeza kwifatanya n’u Rwanda kwibuka no gusigasira amateka ababaje yarwo, amateka ngo agomba kubera isomo Abanyarwanda kugira ngo barusheho gukumira no kurwanya icyatuma hongera kubaho Jenoside.

ABakozi ba Marriott Hotel babanje gusobanurirwa amateka mbere yo gutambagiza ahashyinguwe Abatutsi ku rwibutso rukuru rwa Kigali

Yulia ati “Abanyarwanda bakwiye gukomeza kwibuka aya mateka ariko bagatera intambwe igana imbere, abana bakiga, abantu bagakora bagatera imbere ariko bagakomeza bakibuka ibi byabaye.”

Kuri we iyi hoteli izakomeza gufasha umuryango nyarwanda kwiyubaka; kuri ubu abakozi bayo harimo abakobwa 30 b’abanyarwandakazi bavuye mu mahugurwa y’igihe kinini i Dubai, abenshi muri bo bakaba baratangiye akazi.

Bashyira indabo ku mva

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.