Advertisement
 
 
 
 
 
 
 
 

Amakuru | Mu Rwanda

Kigali: Abakobwa banikiye abahungu mu kwandika ku miyoborere myiza   

  Yanditswe na Gisubizo Gentil M.
 May 2016

 
 

Abanyeshuri batatu bahize abandi mu kandika inkuru zijyanye n’imiyoborere myiza na demokarasi mu Rwanda bahawe ibihembo, abakobwa babiri baba ari bo baza ku mwanya wa mbere.

Ibi bihembo byatanzwe n’Umuryango w’Urubyiruko ruharanira Imiyoborere myiza na Demokarasi mu Rwanda (RGPYD) nyuma y’amarushanwa yitabiriwe n’abanyeshuri bo mu bigo birindwi bikunze kuza ku isonga mu gutsinda ibizamini bya Leta mu gihugu ari byo Ishuri rya Gashora, St André, APRED Ndera, Lycée Notre Dame de Citeau, Corner Stone Leadership ry’i Rwamagana na GS Bumbogo.

Kuri uyu wa Kane Tariki ya 19 Gicurasi 2016 ni bwo bahembwe; ku mwanya wa mbere haje umukobwa witwa Tuyishime Chelvine wiga ku kigo cy’abakobwa cy’i Gashora n’amanota 83, 5% ahabwa mudasobwa.

JPEG - 278.7 kb
Tuyishime Chelvine wabonye amanota ya mbere azamuye mudasobwa yahembwe

Ku mwanya wa kabiri na bwo haje Uwayezu Chantal wiga muri Lycée Notre Dame de Citeau n’amanota 82% nawe ahabwa igihembo cya Mudasobwa.

Ku mwanya wa gatatu ni bwo haje Iradukunda Jean Michel wiga muri St André wahembwe Telefoni yo igezweho (Smart Phone).

Tiyushimwe Chelvine wabaye uwa mbere yavuze ko amarushanwa yamufashije gukora ubushakashatsi no gutekereza byisumbuyeho, akaba ashishikariza abakobwa n’abanyeshuri muri rusange gushiruka ubwoba bagakunda umuco wo kwandika aho kwishora mu bikorwa bidafite umamaro.

Karahamuheto Claudius Umuyobozi wa RGPYD yavuze ko atari ubwa mbere bateguye aya marushanwa uretse ko ngo yitabirwaga na za kaminuza.

Umuyobozi ushinzwe ubumenyi ikoranabuhanga n’ubushakashatsi muri Minisiteri y’Uburezi Dr. Gasingirwa Marie Christine, yavuze ko ari byiza kwigisha abana kwandika hakiri kare kuko bibafasha mu kongera ubumenyi mu ndimi zitandukanye.

JPEG - 283 kb
Kangwagye Justus Umuyobozi w’Ishami rishinzwe kwegereza ubuyobozi abaturage muri RGB atanga igihembo kuri umwe mu bakobwa babaye aba mbere

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.