Advertisement
 
 
 
 
 
 
 
 

Amakuru | Mu Rwanda

Kigali: Abakiriya b’utubare batacyegerezwa udukingirizo barahangayitse   

  Yanditswe na GATETE JEAN BOSCO
 5 months ago

 
 

Abakiriya b’ubutubari dutandukanye two mu mujyi wa Kigali bifuza ko gahunda yo gukwiza udukingirizo mu tubare imaze imyaka 3 yarahagaze yakongera igasubukurwa kuko kuri ubu bagorwa no kubona uko batugura, rimwe na rimwe mu masaha y’ijoro aho amaduka amwe n’amwe aducuruza aba yafunze.

Ikigo cy’igihugu gishinzwe ubuzima (RBC) cyari cyarashyize ibyuma bishyirwamo udukingirizo mu tubare mu gufasha abatugana kwirinda gukwirakwiza virusi itera SIDA. Iyi gahunda yatangiye mu 2008 ifite kugera mu 2013 bivuga ko yari gahunda y’imyaka itanu.

JPEG - 496.9 kb
Iki ni kimwe mu byuma RBC yashyize mu tubari, imyaka itatu irashize bidakora

Umwe mu bagana utu tubari yagize ati “Hari ubwo uza ukanywa nyuma iyo umaze gushyiramo rimwe utangira kubona ubwiza, biriya byuma twifuza ko byakongera gukora nk’uko byahoze mbere .

Undi ukorera mu kabari karimo icyo cyuma ariko kitagikora utarashatse kwivuga izina ati “Hari ubwo umuntu aza hano tukamwakira neza nyuma akaza gushaka… none se urumva abonye agakingirizo bitamufasha, mubatubwirire batugarure.”

Dr Nsanzimana Sabin ushinzwe ishami ryo kurwanya Sida muri RBC yemera ko ibyo byuma byashyizwe mu tubari na RBC hagamijwe gufasha abatugana kwirinda Sidaariko ngo icyatumye bidakomeza gukora ni uko abakuragamo udukingirizo babyishe.

Ati “Iashyiragamo ibiti kugira ngo agakingirizo gasohoke mu gihe byasabaga gushyiramo igiceri 100. Biriya byuma birahenda, kimwe gusa kigura amafaranga yagura ivatiri, byongeye no kubisana birahenze kuko babyishe.

JPEG - 405.9 kb
Gutangira udukingirizo ubuntu bifasha mu kugabanya ukwiyongera ku bwandu bwa SIDA

Dr Nsanzimana akomeza avuga ko RBC yafashe umwanzuro wo kudakomeza gushyira udukingirizo muri ibyo byuma kuko basanze bitwara amafaranga menshi.

Avuga ko gahunda yo gutanga udukingirizo tw’ubuntu bayihinduriye mu wundi mushinga wa “Quiosque Condoms” zagiye zishyirwa mu duce tuzwiho kuba indiri y’ubusambanyi nka Matimba i Nyamirambo, mu Migina, i Remera Giporoso n’ahandi mu mujyi wa Kigali.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.