Advertisement
 
 
 
 
 
 
 
 

Amakuru | Mu Rwanda

Kicukiro: FPR Inkotanyi yungutse abanyamuryango bashya 277   

  Yanditswe na MUTUNGIREHE SAMUEL
 8 May

 
 

Abaturage 277 bo mu Murenge wa Gahanga Akarere ka kicukiro barahiriye kuba abanyamuryango bashya b’Umuryango FPR Inkotanyi banishimira ibikorwa wabagejejeho mu kuzamura imibereho myiza yabo.

Mu nteko rusange yahuje abagize umuryango ba RPF hagamijwe no kwinjiza abanyamuryango bashya ku cyumweru tariki 8 Gicurasi 2017, abayobozi ba RPF muri uwo murenge bagaragaje ko biturutse ku bukangurambaga abanyamuryango bageze ku 8,8% by’abaturage ba Gahanga aho bageze ku 29.434 bamaze kurahira bakemera kuba abanyamuryango.

JPEG - 409.6 kb
ABaturage 277 barahiriye kuba abanyamauryango ba FPR Inkotanyi

Umurenge wa Gahanga uvuga ko umaze kugera ku bikorwa byinshi byazamuye imibereho myiza y’abaturage birimo kuremera abatishoboye, gutanga inkunga yihutirwa ku bakene, gutegura aho kubaka ibikorwa remezo biteganywa kubakwa muri wo murenge, kwita ku barikotse Jenoside, gufasha abamugariye ku rugamba rwo kubohora igihugu n’ibindi.

Mu mwaka ushize 2015 abatuye mu murenge wa Gahanga babifashijwemo n’umuryango RPF batanze inkunga yihutirwa ku bakene 181, gushishikariza abaturage kugana ikigo cyo kwiteza imbere SACCO, kubaka ibyumba by’amashuri mu murenge, kugeza amazi ku baturage, kubaka ibiraro n’ibindi.

Umuyobozi w’Akarere Dr. Nyirahabimana Jeanne wakiriye indahiro z’abinjiye mu muryango RPF muri uwo murenge yavuze ko asaba abemeye kubaha amahame y’abanyamuryango ba RPF kuyashyira mu bikorwa.



Yagize ati “RPF ni yo iyoboye Leta, ni yo moteri y’ibikorwa muri iki gihe. Nk’amanyamuryango ba RPF ibyo bintu tugomba kubigiramo uruhare buri wese aho turi; nk’abanyamuryango bari hano icyo biyemeza ni ukuba abanyamuryango b’ukuri bumva amahame ya RPF no kuyashyira mu bikorwa.”

Yongeraho ko kuyashyira mu bikorwa atari ukuyaguga gusa ahubwo ari ukugira uruhare mu iterambere ry’igihugu aribyo gushyira mu bikorwa gahunda za Leta.

Benimana Olivier warahiriye kwinjira mu muryango RPF yavuze ko n’ubwo akiri muto yari asanzwe yiyumva mu muryango biturutse kubyo yabonye.



Ati “Nayigiyemo kubera ko najye ubu ndi Umunyarwanda ndumva mfite ishema, ndumva nkunze igihugu cyanjye n’ubuyobozi bwacyo kandi ndi no mu ishuri nanjye ndiga nk’abandi bose… niyo mpamvu nifuje gukomezanya n’Abanyarwanda, igihugu cyacu gikomemze gutera imbere.”

Ubuyobozi bw’Umuryango RPF mu murenge wa Gahanga buvuga ko bahize byinshi birimo kuzamura imibereho myiza y’abaturage, kwihutisha ibisabwa ngo ibikorwa remezo biteganywa kuzubakwa na Leta birimo ikibuga cy’umupira (stade) mpuzamahanga, hoteli zigezweho n’ibindi.

JPEG - 334.7 kb
Abaturage bagaragaje ko banyuzwe n’ibikorwa by’uyu muryango mu murenge wabo no ku rwego rw’igihugu


JPEG - 1.6 Mb
Ubuyobozi bw’Akarere bwatangaje ko hari imihigo myinshi FPR ifite n’ibindi byinshi yamaze kugeraho
 

Comments

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.