Advertisement
 
 
 
 
 
 
 
 

Amakuru | Mu Rwanda

Kicukiro: Nyuma y’impanuka, ahaparikwa imodoka hashobora kwimurwa   

  Yanditswe na GASHAGAZA FABRICE
 June 2016

 
 

Umuyobozi w’Akarere ka Kicukiro Dr Nyirahabimana Jeanne yihanganishije ababuze ababo mu mpanuka y’ikayo yabereye Kicukiro-Centre mu mpera z’icyumweru gishize, atangaza ko ku bufatanye n’izindi nzego hagiye kurebwa uburyo ahaparikwa imodoka muri aka gace hakwimurwa.

Iyi mpanuka yyahise itwara ubuzima bw’abantu barindwi abandi icyenda bagakomereka yatewe n’ikamyo yari iturutse mu bice bya Gahanga ibura feri bituma igonga abagenzi, imodoka na moto byari mu nzira kugera ahaparikwa imodoka.

Dr Nyirahabimana yatangaje ko hazarebwa aho izi modoka zitwara abagenzi zakwimurirwa muri gahunda yo gukomeza icyumweru cyahariwe ibikorwa bya Polisi muri aka karere.

Imodoka yacitse feri yatwaye ubuzima bw'abantu barindwi

Yasabye abakora umwuga wo gutwara abagenzi gutangira amakuru ku gihe, ati “Buri wese aho abonye hari ikintu kitagenda adutungire agatoki kuko bituma tuhakurikirana kandi ibyo dushoboye ako kanya turabikemura n’ibyo dufatira ingamba tukabiteganya”.

Ku kijyanye n’imihanda mito n’ibyapa abagenzi bategeraho za bisi biri ahantu hatizewe, yavuze ko bagiye gufatanya n’ubuyobozi bwa Polisi bubishinzwe gushaka umuti w’icyo kibazo.

IP Havugintore Methode uhagarariye Polisi muri aka karere yibukije ko ikinyabiziga n’ugitwaye bigomba kuba byujuje ibyangombwa mbere yo kujya mu muhanda.

JPEG - 267.2 kb
Umuyobozi w’Akarere ka Kicukiro Dr Nyirahabimana Jeanne asibura agahanda k’abanyamaguru

Yanasabye abatwara ibinyabiziga gukumira icyaha kitaraba kuko amategeko ahana uwo ari we wese ugaragaye mu bikorwa byangiza umutekano wo mu muhanda. Yanabasabye kwitwararika mu muhanda kuko uretse ubuzima bwabo hari n’ababa batwaye ubw’abandi.

Abashoferi n’abatwara moto bashimiye impanuro bahawe baniyemeza gushyira mu bikorwa ibyo basabwe. Muri iki gikorwa kandi hasibuwe imirongo igaragaza aho abanyamaguru bambukira mu muhanda wa Kicukiro-Centre.

JPEG - 328 kb
Habaye igikorwa cyo gusibura ahagenewe kwambukira abanyamaguru (Zebra-Crossing)
 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.