Advertisement
 
 
 
 
 
 
 
 

Amakuru | Mu Rwanda

Kicukiro: Bishimiye guhabwa rugari mu igenamigambi ry’ingengo y’imari   

  Yanditswe na Gisubizo Gentil M.
 4 months ago

 
 

Abaturage bo mu Karere ka Kicukiro bashimiye ubuyobozi bwabibutse bukabaha rugari yo kugaragaza ibigomba kwibandwaho mu ngengo y’imari y’umwaka wa 2016-2017, bahamya ko iki gikorwa ari ntamakemwa cyane rubanda ari bo bazi byinshi bitagenda kandi bifitiye akamaro igihugu muri rusange.

Ku gicamunsi cyo kuwa 02 Ugushyingo ni bwo abatuye mu kagari ka ka Nyarurama Umurenge wa Kigarama mu karere ka Kicukiro bahereweho basabwa kugira uruhare mu itegurwa ry’igenamigambi ry’Ingengo y’Imari y’uyu mwaka wa 2017-2018.

Umwe mu batuye i Nyarurama Nsengumuremyi Jonas, yabwiye Imvaho Nshya ko iyi gahunda ari kimwe mu bikorwa by’intangarugero kuko akenshi usanga baba bafite ibyifuzo bitandukanye bikadindirira mu nzego z’ibanze kuko bitabonye uburyo bwo kumenyekana mu nzego zifata ibyemezo.

Yagize ati “Nishimiye gusurwa n’abayobozi b’Akarere na Minisitiri, ubu dufite ikibazo cy’ingorabahizi cy’isoko n’ivuriro twifuza ko cyashyirwa mu ngengo y’imari y’umwaka utaha.”

Abaturage benshi bagiye bahuriza ku kubakirwa ibikorwa by’iterambere birimo umuhanda ubahuza n’Akarere ka Nyarugenge, ibigo by’amashuri y’incuke n’agakiriro, cyane ko abakoraga imirimo y’ububaji n’ubusuderi bahagariswe basabwa ko bajya gukorera mu gakiriro k’Akarere ka Kicukiro gaherereye mu murenge wa Gahanga ahari intera ndende ibabera inzitizi.

Habimana Vieateur yongeyeho ko ko uretse agakiriro kari iyo bigwa bifuza isoko, kuko iyo badahahiye i Gikondo bagana i Nyamirambo kandi no kwivuza bibagendekera bityo. Abaturage basabye ko ibikorwa remezo byashyirwa mu byihutirwa mu ngengo y’imari y’akarere ndetse ubuyobozi bukanateganya amakoperative y’urubyiruko azarufasha mu kwiteza imbere.

Umuyobozi w’Akarere ka Kicukiro Dr. Nyirahabimana Jeanne, yashimye abaturage ku musanzu batanze w’ibitekerezo no kugira uruhare mu byo bifuza gukorerwa, abasaba gukomeza gutahiriza umugozi umwe kandi bagafasha ubuyobozi mu bibakorerwa.

Umunyamabanga wa Leta ushinzwe igenamigambi muri Ministeri y’Imari n’Igenamigambi Dr Uzziel Ndagijimana, yavuze ko uyu ari umwanya mwiza wo kugira ngo abaturage bakomeze kugira uruhare mu kwigenera imiyoborere n’ibibakwiye.

Ibibazo ibitekerezo n’ibyifuzo byatanzwe mu iyi nama ngo bizakusanyirizwa hamwe n’ibindi bizaturuka mu tundi tugari, ubundi bizamurwe ku rwego rw’imirenge, bihave bijyanwa mu karere kugira ngo byigweho harebwe ibizahita bishyirwa mu bikorwa.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.