Advertisement
 
 
 
 
 
 
 
 

Amakuru | Mu Rwanda

Kicukiro: Barashinjwa guteka imitwe yo kuburizamo cyamunara   

  Yanditswe na IMVAHO NSHYA
 September 2016

 
 

Nyangezi Claver na Gato Yvette barakekwaho uburiganya bwo kubeshya ko bamaze kugurisha inyubako yabo urukiko rwari rwategetse ko itezwa cyamunara ngo hishyurwe umwenda babereyemo Ntatinya Callixte.

Uyu mugore n’umugabo bagurishije ikibanza na Ntatinya Callixte ariko bamuca ruhinganyuma bakigurisha n’undi muntu bwa kabiri. Uwo wa kabiri yahise ashaka ibyangombwa abibona mbere ya Ntatinya.

Ntatinya yagiye gushaka ibyangombwa asanga byarahawe undi muntu atazi, ahita arega Nyangezi na Gato, arabatsinda, urukiko rutegeka ko bamwishyura miliyoni zisaga 16.

Ayo mafaranga barayabuze, biba ngombwa ko inzu yabo itezwa cyamunara. Mu gihe umuhesha w’inkiko, Byishimo Alphonse yari ageze kure ngo ateze cyamunara iyo nyubako muri Kanama 2016, haje uwitwa Kwizera Dickson avuga ko iyo nzu ari ye.

Yahise yitabaza urukiko rwibanze rwa Kagarama, arega uwo muhesha w’inkiko gushaka guteza cyamunara inzu ye kandi nta muntu abereyemo umwenda.

Uburiganya bwo guhisha umutungo

JPEG - 61.5 kb
Icyangombwa cy’ubutaka cyemeza ko iyo nzu ari iya Nyangezi Claver na Gato Yvette

Mu rukiko kuri uyu wa 26 Nzeli 2016, abanyamategeko baburanira Ntatinya Callixte ndetse n’umuhesha w’inkiko, bagaragaje ko Nyangezi Claver, Gato Yvette na Kwizera Dickson bandikiranye amasezerano ya baringa yerekana ko bagurishije iyo nyubako.

Basobanuye ko nta cyemezo na kimwe cyerekana ko Kwizera yaguze iyo nzu, kuko icy’ubutaka kigaragaza ko yanditswe kuri Nyangezi n’umufasha we.

Aha umucamanza, Ntabana Jean Marie Vianney yasabye Kwizera amasezerano y’ubugure, undi asobanura ko yaguze iyo nzu mu 2008, akagenda ayishyura buhoro buhoro, kugeza muri uyu mwaka.

Yerekanye impapuro yandikiranye na Nyangezi zemeza ko yagiye amwishyura gahoro gahoro, akaba ari nayo mpamvu nta byangombwa by’iyo nzu yari yashaka.

Ibi ariko avoka uburanira Ntatinya yabyamaganiye kure, asobanura ko Kwizera yagiye yinyuramo, kuko mbere yavugaga ko yaguze iyo nzu kuri miliyoni 29, ubu akaba avuga ko yayiguze miliyoni 25.

Avoka yanerekanye ko iyo ufashe inyemezabwishyu Kwizera avuga ko yishyuriyeho ugateranya amafaranga ariho usanga arenga miliyoni 33.

Avoka wa Ntatinya kandi yabwiye urukiko ko inyemezabwishyu atari urwandiko rwemewe ku buryo zagenderwaho bavuga ko iyo nzu ari iya Kwizera.

Ibi kandi anabishingira ku kuba icyangombwa cy’ubutaka cy’iyo nzu cyaratanzwe mu 2011 cyanditseho ko ari iya Nyangezi na Gato.

Hari kandi no kuba inyandiko Kwizera Dickson yerekanye mu rukiko zitemewe n’amategeo kuko zitabarirwa mu nyandiko mvaho n’inyandiko bwite.

Urukiko ruzatangaza umwanzuro ku wa 28 Nzeli 2016. Utazanyurwa n’ibyavuye mu iburanisha yemerewe kujurira.

 

Comments

 
 
Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.