2017-08-20 07:43:19 clouds 27o High | Kigali Rwanda

Dukurikire:
 
 

Kicukiro: Abanyamahanga 11 bahawe ubwenegihugu bw’u Rwanda

Yanditswe na IMVAHO NSHYA

Kuya 2017-06-12 14:53:50

 
Share on:
 
Yasuwe:678
 
Yavuzweho:200
 
10
 
10

Abanyamahanga 11 bahawe ubwenegihugu bw’u Rwandamu karere ka Kicukiro kuri uyu wa 12 Kamena 2017.

Barimo Abarundi barindwi, Abagande batatu n’Umunyekongo umwe.

Umuyobozi w’ishami rishinzwe ubwenegihugu mu kigo cy’igihugu cy’Abinjira n’Abasohoka Vicent Rwamwaga wari muri uyu muhangoyavuze ko bahita bagira uburenganzira n’inshingano nk’iza buri Munyarwanda wese nk’uko biteganywa n’itegeko ngenga mu ngingo yaryo ya gatanu.

Ati ”Kugira ngo wemererwe ugomba kuba umaze imyaka 3 ushyingiwe n’umwe w’umunyarwanda cyangwa umunyarwandakazi. Aba bose uretse no kuzuza ibisabwa bakoze n’ikizamini bagitsindira ku manota hejuru ya 60% mu gihe asabwa ari 60%.”

JPEG - 332.4 kb
Abahawe ubwenegihugu basabwe gukunda u Rwanda no kubaha amategeko

Umuyobozi w’Akarere ka Kicukiro Dr Nyirahabimana Jeanne, yavuze ko u Rwanda ari igihugu cyiza cyo kubamo.

Ati “Igihugu cyacu ni igihugu cyiza cyo kubamo, mwese uko muhawe ubwenegihugu mutuye mu Karere ka Kicukiro, ubu mubaye Abanyarwanda, abenshi muri mwe ni Abarundi dusangiye amateka, ndabasaba kuba Abanyarwanda no guharanira ubunyarwanda kuko ni bwo bwoko busumbye ayandi yose.”

Yavuze ko abo Banyarwanda bashya amaboko akarere ka Kicukiro kungutse abasaba ubufatanye mu gukomeza kurwanya ingengabitekerezo ya Jenoside,.

Yibukije abahawe ubwenegihugu gukunda uRwanda kuko ari kimwe mu ndangagaciro z’Umunyarwanda.

Ati “Ibimaze kugerwaho tubikesha abameneye iki gihugu amaraso, ni ngombwa ko dukomeza uwo muco wo kugikunda no kukitangira, hari gahunda zinyuranye zirimo isuku, umutekano, umuganda, n’izindi nk’umugoroba w’ababyeyi, ndabasaba kuzinjiramo.”

Abagore bahawe ubwenegihugu bibukijwe ko baje mu gihugu giha agaciro n’uruhare umugore, abasaba kuzajya biyamamaza mu matora, kandi yanabasabye kuzagira uruhare mu matora y’Umukuru w’Igihugu yegereje.

Dr Frederick Golooba Mutebi yavuze mu izina ry’abahawe ubwenegihugu ati ”Byantwaye imyaka irenga 16 ntekereza uburyo naba Umunyarwanda, ubu birabaye nizeye neza ko ndi umunyarwanda, ni iby’igiciro kugira ubwenegihugu nyarwanda, twiteguye kubaha itegeko nshinga n’andi mategeko y’u Rwanda.”

GATETE JEAN BOSCO

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE