2017-09-20 12:30:19 clouds 27o High | Kigali Rwanda

Dukurikire:
 
 

Kicukiro: Abafatanyabikorwa b’Akarere banyotewe no kukabona kesa imihigo

Yanditswe na IMVAHO NSHYA

Kuya 2016-11-11 20:07:38

 
Share on:
 
Yasuwe:3
 
Yavuzweho:200
 
10
 
10

Abafatanyabikorwa b’Abakarere ka Kicukiro baratangaza ko barangajwe imbere no gufatanya n’ubuyobozi guhindura isura yako mu gihe kitarambiranye kugira ngo gakomeze kwesa imihigo ndetse n’ubuzima bw’abaturage muri rusange burusheho guhinduka.

Mu imurikabikorwa ryateguwe n’aba bafatanyabikorwa bafatanyije n’Akarere ryatangijwe ku mugaragara kuri uyu wa Kane, haragaragazwa udushya dutandukanye berekana ko duturuka mu guharanira guteza imbere ibikorerwa mu Rwanda no kugerageza gutanga umusanzu wabo mu kuzamura ubukungu bwabo, ubw’Akarere n’ubw’igihugu muri rusange.

Aba bafatanyabikorwa barimo abihangiye imirimo itandukanye bakaba bageze ku kigero bifitiye icyizere mu gutanga umusanzu wabo mu kubaka igihugu

Batangarije Imvaho Nshya ko biteguye gutanga umusanzu wabo mu guteza guhindura isura y’Akarere. Umwe muri bo yagize ati “Ni amahirwe kuba Akarere kadufasha guhuriza hamwe ibyo dushoboye, natwe ntituzigera tureka gutanga umusanzu wacu mu kubaka igihugu.”

Umunyamabanga wa Leta muri ushinzwe iterambere ry’abaturage muri Minisiteri y’Ubutegetsi bw’Igihugu Vincent Munyeshyaka, ubwo yatangizaga iri murihabikorwa yashimiye ubuyobozi bw’Akarere ka Kicukiro n’abafatanyabikorwa kubera iki gikorwa bateguye ashimangira ko byamufashije guhamya ko gutera imbere bishoboka.

Yagize ati “Icya mbere mbonye ni uko bigaragara ko Abanyarwanda mu nzego zose ari abize, ari abari mu makoperative bafite ikintu cyo guhanga muri bo. Binyereka icya kabiri ko gutera imbere bishoboka turamutse dukoresheje ibyo dufite nk’igihugu, nk’akarere ariko tugakoresha n’ubwenge bwacu.”

Yahamije adashidikanya ko inzozi ‘abafatanyabikorwa bazazigeraho mu gihe bakomeje kugenda bahanga udushya duharanira guteza imbere ibikorerwa mu Rwanda, cyane ko abenshi muri bo batanga serivisi zihendukiye buri wese.

Kuri we iri murikagurisha ni ubundi buryo bwo kubona irindi soko kandi ibicuruzwa bikaba bibonekera ahantu hamwe, ku buryo n’umuntu uza kugura bimworohera ku mwanya mutoya akoresheje akabona inyungu nyinshi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE