Advertisement
 
 
 
 
 
 
 
 

Amakuru | Mu Rwanda

Kayonza: Baratiye iterambere Jeannette Kagame na Claudine Talon   

  Yanditswe na HAKIZIMANA YUSSUF
 2 months ago

 
 

Madamu wa Perezida wa Benin Claudine Talon, aherekejwe na Madamu Jeannette Kagame,baratiwe ibikorwa by’iterambere binyuranye abaturage bo mu karere ka Kayonza bamaze kugezwaho n’imiyoborere myiza

Mu ruzinduko Madamu Jeannette Kagame na Claudine Talon bagiriye muri aka karere kuri uyu wa 09 Ugushyingo 2016 basuye bimwe mu bikorwa by’iterambere, abaturage batanga ubuhamya bw’aho bageze biyubaka.

Madamu Jeannette Kagame na Madamu Claudine Talon basuye umushinga w'Iterambere mu mudugudu w'icyitegererezo muri Kayonza


Umwe mu bagore basuwe, mu mudugudu w’icyitegererezo wa Nyagatovu, mu murenge wa Mukarange yagize ati “Ndabashimye kuba munsuye, nshima n’Imana, nshima impuhwe n’urukundo mufitiye Abanyarwanda… Njye ndi umupfakazi wa Jenoside yakorewe Abatutsi ariko ubu maze kwiteza imbere, ndoroye, ndahinga ngasagurira amasoko, ubu nanjye nateye imbere sincyangiza ibidukikije ndacana biyogazi ikomoka ku nka mwatugabiye.”

Nyuma yo gusura umudugudu w’icyitegererezo, Jeannette Kagame na Claudine Talon basuye n’inzu ya ‘Women for Women’ iri i Kayonza, ifasha abagore kwikura mu bukene no kubashishikariza kwiga imyuga y’ubukorikori, no guteza imbere ingo muri rusange.

Umwe mu baturage witwa Gatera Eduard, yagize ati “Kuba twasuwe n’aba bayobozi twabyishimiye cyane, twaberetse uburyo ikigo cya ‘Women for Women’ kidufasha mu bukangurambaga bwo gukangurira abagabo kwita ku ngo zabo no kubahiriza ihame ry’uburinganire. Ntabwo urugo rwatera imbere abarugize badafatanyije mu iterambere ryarwo, ibyo ni byo twatanzemo ubuhamya ku bashyitsi batugendereye.”
Umuyobozi w’Intara y’Uburasirazuba Kazayire Judith, yashimye urugendo rw’aba bayobozi, yemeza ko ibikorwa by’iterambere byasuwe byagiriye akamaro abaturage bo mu karere ka Kayonza.

Banasuye gahunda yo gufasha mu mikurire y'abana iterwa inkunga na Imbuto Foundation


Yakomeje agira ati “Leta ihorana gahunda zo gushishikariza abaturage kwiteza imbere no kwibumbira mu makoperative, bakagana ibigo by’imari, bagakora ya mishinga mito n’iciriritse ibateza imbere. Bityo, bakabikora ari uko batuye hamwe bafite amashanyarazi, amazi, ibi byose bikabafasha guhindura imyumvire bakiteza imbere.”

Madamu Claudine Talon yashimye cyane gahunda zifasha abaturage kwihutisha iterambere yamurikiwe, zirimo gutuzwa mu mudugudu w’icyitegererezo aho byoroha gukwiza ibikorwa remezo, anashima imikorere y’ikigo ‘Women for Women’ n’irerero ry’abana b’incuke riterwa inkunga na Imbuto Foundation.







Abagore bibumbiye mu makoperative berekanye amahirwe bagize nyuma yo kwihuza


Uwicyeza Vestine, umuturage wo mu mudugudu w'icyitegererezo wa Kayonza






 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.