Advertisement
 
 
 
 
 
 
 
 

Amakuru | Mu Rwanda

Karongi:Hari abagituye mu nzu zimeze nka Nyakatsi   

  Yanditswe na DUSINGIZUMUREMYI VESTINE
 1 June

 
 

Mu murenge wa Rugabano mu karere ka Karongi haracyagaragara abaturage batuye mu nzu zimeze nka nyakatsi, ku mpamvu bemeza ko zifitanye isano n’amikoro make.

Ntibikwiye Naason, umugabo ufite abana babiri n’umugore, mu mudugudu wa Kabuye, akagali ka Rwungo mu murenge wa Rugabano, atuye mu nzu isakaje ibirere n’ibyatsi.

Asobanura ko impamvu atagendanye na gahunda ya Leta yo guca nyakatsi, ari uko yijejwe n’ubuyobozi ko buzamuha amabati, ariko agategereza ko ayo mabati amugeraho agaheba.

Mu kiganiro yagiranye n’Imvaho Nshya, yagize ati:“Ndi umukene pe, sinshoboye no kubaka ubwiherero byarananiye, ubuyobozi bwari bwanyemereye amabati ndayabura, buza kumpa ibihumbi 30 mbigura amategura nyashyira ku gihande kimwe imvura iguye ahinduka icyondo. Ubu nahisemo gushyiraho ibirere ariko nabwo iyo imvura iguye turanyagirwa.”

JPEG - 125.4 kb
Abatuye mu nzu zimeze nk’iyi bose bifuza gufashwa kubaka izitabateza ibibazo (Foto Vestine D)

Uretse kuba mu nzu iva ndetse itameze neza mu buryo bugaragarira ijisho, umuryango wa Naason ntugira ubwiherero, ibi bikaba intandaro y’umwanda.

Nishyirimbere Adrien, nawe ni undi muturage uba mu nzu isakaje ibirere igihande kimwe, bisobanuye ko iyo imvura iguye abayirimo bugama mu gihande kimwe ikindi kikanyagirwa.

Abajijwe impamvu aba mu nzu imeze gutya,yagize ati:“Aha niho ubushobozi bwanjye bwagarukiye, mfite umugore n’abana babiri, kubona ibyo kurya nabwo ni ikibazo kuko mbana n’ubumuga bwo kugagara akaguru. Iyi nzu ubushize yaraguye ubu nayiteye inzego z’ibiti, kuko nta kundi nabigenza.”

Umuyobozi w’umurenge wa Rugabano Mukama Hubert, yabwiye iki kinyamakuru ko n’ubwo nyakatsi zaciwe mu Rwanda, hari igihe umuturage acunga abayobozi ku jisho, akabaca mu rihumye bakabona yujuje inzu imeze nka nyakatsi.

Yagize ati:“Hari amabwiriza twahaye abaturage y’uko umuntu ugiye kubaka yubaka mu mudugudu ahawe ibyangombwa.Nyakatsi yaraciwe ntabwo bikivugwa, ….kuyobora ni uguhozaho kandi imyumvire y’abaturage ntabwo iba iri ku kigero kimwe, hari ushobora kureba ku jisho abayobozi akubakisha ibikoresho bitemewe, ariko iyo tubimenye duhita tumushaka tukamugira inama kuko nyakatsi yaraciwe”.

Uyu muyobozi yakomeje avuga ko iki kibazo cya nyakatsi zikigaragara muri uyu murenge bagiye kugikurikirana, umuturage utishoboye agafashwa kubaka inzu imuhesha agaciro.

Leta y’u Rwanda yaciye inzu za nyakatsi zagaragaraga hirya no hino mu gihugu, ndetse ifasha abari bazituyemo kuba mu nzu zijyanye n’icyerekezo cy’iterambere.

Gahunda yo guca nyakatsi kandi yajyaniranye n’izindi gahunda zitandukanye, zigamije gukura abatishoboye mu bukene, maze imibereho ya benshi irazamuka.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.