2017-11-17 14:59:33 clouds 27o High | Kigali Rwanda

Dukurikire:
 
 

Kagame yagaragaje ko amahanga azagera aho akumva ukuri kw’Abanyarwanda

Yanditswe na IMVAHO NSHYA

Kuya 2017-07-17 08:40:22

 
Share on:
 
Yasuwe:44
 
Yavuzweho:200
 
10
 
10

Umukandida w’Umuryango FPR-Inkotanyi, Paul Kagame, avuga ko kugeza ubu amahanga ari mu batumye Abanyarwanda bagera ku mateka mabi, ariko ko igihe kizagera bakumba uko Abanyarwanda bashyize hamwe.

Ibi ni ibyo yagarutseho ejo hashize ku wa 16 Nyakanga 2017 ubwo yarimo kwiyamamariza mu karere ka Kamonyi. Kagame yavuze ko amahanga atarasobanukirwa uko Abanyarwanda bashyize hamwe ku wo bifuza kubayobora, batarabyiyumvisha, ariko ko igihe nikigera bazabyumva.

Paul Kagame asaba Abanyarwanda gukomeza inzira nziza yo kujyana hamwe bafatanyije bakagera ku majyambere bifuza.

Ati “Nubwo badutabye twari imbuto zishibuka, zigakura, zikagira ubuzima bwiza, Abanyakamonyi muri muri izo mbuto”.

JPEG - 397 kb
Paul Kagame, umukandida w’Umuryango FPR-Inkotanyi, yabwiye Abanyarwanda ko kumutora ari ugutora ejo hazaza hez

Yabijeje ko amateka mabi Abanyarwanda banyuzemo ahanini atewe n’ayo mahanga atazasubira, ati “Twese ni byiza ko dufatanya n’abandi Banyarwanda bari mu yandi mashyaka, kugira ngo tugere kuri byinshi, nimubikora ntakizatunanira […] Ukuntu Abanyarwanda bari hamwe, ukuntu bashaka kubaka igihugu n’ukuntu bashaka kwiyubaka, ntibisanzwe.”

Umukandida wa FPR-Inkotanyi yabwiye abatuye Kamonyi ko ibikorwa remezo nk’amashanyarazi n’ibindi biganisha ku buzima bwiza bizakomeza kubageraho ari benshi.

Munyantwari Alphonse ushinzwe ibikorwa byo kwamamaza umukandida wa FPR-Inkotanyi mu Ntara y’Amajyepfo, avuga ko Paul Kagame ari we warinze u Rwanda kuzima, akarinda u Rwanda kuba insina ngufi, none rufite ijambo mu ruhando mpuzamahanga.

Ati “Twaturanye na Kigali kuva kera Kamonyi itagira umuriro, none ubu ingo nyinshi ziracana, abana bariga bafite ubumenyi”.

Mu burezi yatanze ingero z’abantu bakuze basubiye kwiga, bashima amahoro, agaciro Paul Kagame yabahaye, abaturage bafashijwe kujya mu ngendoshuri hanze y’igihugu n’ibindi.

Mukamusoni Francine, umuhinzi mworozi, muri koperative COOPRORIZ igizwe n’abanyamuryango basaga 2000, bahinga umuceri, yagarutse ku byo ubuyobozi bwiza bagize mu myaka irindwi ishize bwabagejejeho, yavuze ko kera basekuraga mu isekuru none ubu bafite uruganda rutunganya umusaruro wabo.

Muri gahunda ya Girinka yoroje abandi bagenzi be 12, abaha amatungo magufi 30, bafite amazi meza n’abaturage bahegereye babahaye ivomo rusange.

Bamaze kwigeza kuri miliyoni 600 y’umutungo, begerejwe ibigo by’imari nk’Umurenge Sacco, 8 muri bo bahawe inguzanyo ibafasha kugura imodoka, birihira mituweli bakarihira abana amashuri, bafite amashanyarazi, mu gihe kera byavugwaga ko umuriro udashobora kwambuka Nyabarongo, none bose baracana mu ngo zabo.

TWAGIRA WILSON

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE