Advertisement
 
 
 
 
 
 
 
 

Amakuru | Mu Rwanda

Jenoside ni ikimwaro kuri Repubulika ya Kabiri - Sen Bizimana   

  Yanditswe na NGABOYABAHIZI PROTAIS
 April 2016

 
 

Ku nshuro ya 7 abakirisitu ba Paruwasi ya Rambura bibuka abapadiri babo 3 bahiciwe muri Jenoside yakorewe abatutsi mu 1994, hagaragajwe ko kuba iyi Paruwasi yariciwemo aba bapadiri ndetse n’abandi batutsi muri rusange kandi ari ho abayobozi bakuru b’igihugu barimo na Perezida Habyarimana basengeraga, ari ikimwaro kuri Leta ya Repubulika ya kabiri.

Abapadiri biciwe i Rambura muri Jenoside yakorewe abatutsi ni Antoine Habiyambere, Siriyo Kageyo na Antoine Marie Zacharie w’umuzungu.

Ibi byatangajwe na Senateri Bizimana Evariste wari wifatanyije nabo muri uyu muhango wo kwibuka, aho n’abakirisitu nabo bavuze ko byababereye isomo, bakaba biyemeje gutoza abana babo uburere bushingiye ku gukunda igihugu no kwirinda ingengabitekerezo ya Jenoside.

JPEG - 269 kb
Bimwe mu byo abapadiri bakoze harimo gushinga urwunge rw’amashuri Rambura(Foto Ngaboyabahizi P)

Umwe mu bakirisitu witwa Iyamuremye Aloys, yagize ati:“Aba bapadiri bari bihishe mu kiliziya n’abakirisitu, babateramo za gerenade bamwe barimo barapfa ariko abandi bagwa igihumure, ni ho rero n’aba bapadiri baje kuzanzamuka barasohoka, uw’umuzungu we yatwawe n’umukozi wo kuri superefegitura ya Kabaya, Antoine Habiyambere we bavugako bamutemye akaboko isaha nziza yari afite bakayijyana ari nabwo nyine yicwaga”.

Uyu mukirisitu kimwe na bagenzi be bakomeza bavuga ko kuba bariya bapadiri barishwe kandi barabafataga nk’ababyeyi babo, ari igikorwa cy’ubunyamaswa, bakagaya cyane ababishe.
Abakirisitu bo muri Paruwasi ya Rambura kimwe n’abaturage bahatuye bemeza ko bariya bapadiri bishwe muri Jenoside yakorewe abatutsi babafashaga muri byinshi, ibikorwa by’ubuvuzi, amashuri nk’urwunge rw’amashuri rwa Rambura, urwa Mutagatifu Raphael, n’ibigo mbonezamirire n’ibindi bikorwa by’inyungu rusange.

Senateri Bizimana Evariste, we asanga Jenoside yakorewe i Rambura kandi haravukaga abayobozi bakuru b’igihugu, ari ikimwaro gikomeye kuri abo bayobozi na Repubulika ya kabiri muri rusange.

Yagize ati:“Ni ikimwaro gikomeye ku bayobozi ba Repubulika ya kabiri yari iyobowe na Habyarimana, yagaragazaga intege nke, kandi yari igeze igihe cyo kuvaho kuko itari igishoboye kurengera abaturage iyoboye.

Kubona ahangaha ariho umukuru w’igihugu yasengeraga, bamwe mu ba Minisitiri n’ingabo bakomeye bose bavukaga muri iyi Paruwasi bakanahasengera, ariko ugasanga ari n’aho biciye abapadiri bafashije abaturage mu gihe cy’imyaka 20!Bigaragaza koko ko hari ingengabitekerezo yigishishijwe kuva kera, biratangaje kubona Paruwasi Perezida asengeramo itinyuka gukora Jenoside”.

Uyu muhango wo kwibuka waranzwe n’igitambo cya Misa ndetse no gushyira indabo ku mva zishyinguyemo abo bapadiri.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.