2017-09-24 09:25:05 clouds 27o High | Kigali Rwanda

Dukurikire:
 
 

Jeannette Kagame yifatanyije n’Umuryango w’Umwamikazi Gicanda kumwibuka

Yanditswe na IMVAHO NSHYA

Kuya 2016-04-20 19:00:07

 
Share on:
 
Yasuwe:39
 
Yavuzweho:200
 
10
 
10

Kuri uyu wa Gatatu tariki 20 Mata 2016, Jeannette Kagame yifatanyije n’abagize umuryango wa bugufi w’Umwamikazi Rosalie Gicanda wishwe muri Jenoside yakorewe Abatutsi mu cyahoze ari Perefegitura ya Butare.

Umuhango wo kwibuka umwamikazi Gicanda witabiriwe n’abandi barimo inshuti z’umuryango we, abayobozi b’inzego z’ibanze barimo ba meya na Guverineri w’Intara y’Amajyepfo ndetse n’abandi baturutse mu zindi ntara.

Mbere yo kujya gushyira indabo ku mva y’Umwamikazi Gicandan’abo biciwe hamwe inyuma y’Ingoro ndangamurage y’Umwami Mutara Rudahirwa, Jeanette Kagame yari mu bateraniye mu rwunge rw’Amashuri rwa Nyanza (Mater Dei).

Rosalie Gicanda wari umugore w’Umwami Mutara III Rudahigwa avugwaho kuba ari we mwamikazi wa nyuma u Rwanda rwagize mu mateka yarwo.

Gicanda Rosalie yavukiye i Rwamagana mu mwaka wa 1928. Yakuze ari umukobwa muremure benshi bemeza ko yari mwiza kandi ko yarangwaga n’ikinyabupfura n’isoni nyinshi, ibi byagaragaye cyane mu muhango wo gutoranya umwamikazi, ni ukuvuga uwagombaga kuba umugore w’umwami.

JPEG - 228.6 kb
Jeannette Kagame yifatanyije n’Umuryango w’Umwamikazi Gicanda kumwibuka

Bivugwa ko ubwo umugabo we yatangaga mu buryo budasanzwe mu mwaka wa 1959, hakurikiyeho Umwami Kigeli wa V Ndahindurwa wayoboye u Rwanda kugeza mu mwaka wa 1961. Kugeza ubu uyu mwami aracyariho akaba abarizwa muri Amerika.

Ku wa 20 Mata 1994 ni bwo Rosalie Gicanda wari umaze gukabakaba imyaka 80 y’amavuko yishwe nyuma yo cushimutwa n’interahamwe zari ziyobowe na Lt. Pierre Bizimana wari watumwe na Capt.Idelphonse Nizeyimana.

Umwamikazi n’abo bari kumwe mu rugo barafashwe bajyanwa inyuma y’inzu ndangamurage y’u Rwanda aba ari ho barsirwa nk’uko tubikesha urubuga Wikipedia.

Umukobwa umwe wari ukiri muto ngo ni we wabashije kurokoka ubu bwicanyi; nyuma y’iminsi ibiri uwari nyina wa gicanda na we ngo yarishwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE