Advertisement
 
 
 
 
 
 
 
 

Amakuru | Mu Rwanda

Jeannette Kagame yasabye ko ijambo "incike" rivanwaho   

  Yanditswe na UMUTONI BEATA
 July 2016

 
 

Umufasha wa Perezida wa Repubulika, Jeannette Kagame yasabye ko hazashakwa irindi zina risimbura "incike" (za Jenoside) kuko abona iri zina abaryitwa bafite ubutwari bwo kwihangana kandi bakaba barafashije umuryango Nyarwanda kongera kwiremamo icyizere.

Ni mu butumwa yatanze ku ya gatatu Nyakanga 2016 ubwo yashyikirizaga inzu abakecuru 16 b’incike za Jenoside yakorewe Abatutsi muri 1994 batujwe mu mudugudu wa Bukomeye ho mu murenge wa Mukura mu Karere ka Huye,

Inzu abo bakecuru bashyikirijwe ni ebyiri, buri imwe izajya ibamo abakecuru umunani. Abo bakecuru babwiye Madamu Jeannette Kagame ko bashimishijwe n’uburyo umuryango ayoboye wa Unity Club ukomeza kubazirikana, ukamenya ibibazo bafite ukabishakira ibisubizo.

JPEG - 135.6 kb
Madamu Jeannette Kagame ashyira ibuye ry’ifatizo ahazubakwa amacumbi y’inshike zisaga 100

Bavuga ko n’ubwo basigaye bonyine kandi barahoranye imiryango, ngo ibikorwa nk’ibi bakorerwa bituma bakira amateka mabi banyuzemo.

Nyiramanywa Irene ni umwe muri aba bakecuru wavuze mu mwanya wa bagenzi be, ko bashimira cyane Madamu Jeannete Kagame ndetse n’umugabo we Perezida wa Repubulika Paul Kagame, umutima mwiza bagira, bagahora bashakira Abanyarwanda icyabanezeza, ariko by’umwihariko bita ku bababaye kurusha abandi.

Ati “Kuri uyu munsi mpagaze imbere yanyu nshima ibyiza mumaze kutugezaho… ahubwo ubu nkomeje kuvuga nshobora no guturika nkarira cyangwa se ahubwo nkabyina! Rwose ndabashimiye kandi mudutahirize na Paul Kagame.”

Jeannette Kagame yabwiye aba bakecuru ko bakwiye kumva ko batari
bonyine, kuko Leta y’u Rwanda ndetse n’indi miryango bafatanyije, bakomeza gukora ibishoboka byose ngo imibereho yabo irusheho kuba myiza.

Yanasabye ko bishobotse aba babyeyi n’ubwo baba barabuze abana babo bagasigara ari bonyine babashije gufasha imiryango kwirema bushya kubera kwihangana kwabo, bityo iri zina ryo kwitwa incike rikaba ryahinduka.

Yagize ati “Nsanga bishoboka twahindura iri zina bakareka kwitwa incike kuko bafashije umuryango nyarwanda kongera kwiyubaka bushya.”

Uretse kandi gushyikiriza aba bakecuru aya mazu Madamu Jeannette Kagame yanashyize ibuye ry’ifatizo ahazubakwa inzu izatuzwamo abakecuru b’inshike basaga 100.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.