Advertisement
 
 
 
 
 
 
 
 

Amakuru | Mu Rwanda

Jeannette Kagame na Sylvie Bongo basabye amahanga kwita ku bapfakazi   

  Yanditswe na IMVAHO NSHYA
 5 months ago

 
 

Mu gihe kuri uyu wa 23 Isi yizihiza Umunsi Mpuzamahanga w’Abapfakazi, umufasha wa Perezida w’u Rwanda, Jeannette Kagame na mugenzi we wa Gabon, Sylvie Bongo Ondimba basabye umuryango mpuzamahanga guhagurukira ihohoterwa rikorerwa abapfakazi.

Mu nyandiko bashyize ahagaragara, bavuze ko nubwo amahanga yiyemeje guharanira uburinganire bw’ibitsina byombi, hari abapfakazi bahabwa akato kandi babuze kirengera. Ibi byose babifatanya n’umuruho wo kwita ku bana babo mu bukene bukabije.

Bati” Nyuma yo kubura abagabo babo bahabwa akato, bagatereranwa kandi ari bwo baba bakeneye kongera kwiyubaka no kwiteza imbere.”

JPEG - 325 kb
Jeannette Kagame, Sylvie Ondimba (hagati), Minisitiri w’Ubucuruzi wa Gabon n’abakozi b’umuryango Sylvie Bongo Ondimba Foundation

Jeannette Kagame na Sylvie Ondimba basanga mu gihe Isi yizihiza umunsi wahariwe abapfakazi ku nshuro ya gatandatu hakwiye kwibandwa ku kuvanaho imbogamizi zituma abapfakazi batagira uruhare mu iterambere.

Basaba amahanga gukora ibishoboka kugira ngo imibereho y’abapfakazi ibe myiza kandi bigakorwa vuba. Bahwituriya amahanga gushyiraho ingamba na gahunda zihamye ibihugu bigenderaho mu rwego rwo guteza imbere abapfakazi batagira kivurira.

Kuri ubu ku Isi hari abapfakazi miliyoni 258, muri bo abasaga miliyoni 115 babayeho mu bukene, hari bamwe bahezwa, abadafite aho baba, abarwaye, abarenganwa mu nkiko n’abatotezwa n’imiryango y’abagabo babo.

Miliyoni 81 bakorerwa ihohoterwa rishingiye ku gitsina, naho abana babo miliyoni 1.5 bapfa bataragira imyaka itanu.

Madamu Kagame na Bongo Ondimba basanga abakobwa bahawe rugari mu ikoranabuhanga rigezweho no masomo yakunze kwitwa ay’abahungu ahazaza h’umugabane harushaho kuba heza.

Imiryango yashinzwe n’aba bafasha b’abakuru b’ibihugu yose igamije iterambere ry’abagore. Fondation Sylvia Bongo Ondimba pour la Famille n’Imbuto Foundation yose yakoze iyo bwabaga ngo abana b’abakobwa bahabwe uburenganzira bakwiriye mu Rwanda no muri Gabon.

By’umwihariko Imbuto Foundation imaze guhindura ubuzima bw’abakobwa 4000 bahawe uburezi bakanahugurwa mu ikoranabuhanga mu gihe barangije amashuri yisumbuye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.