2017-10-17 06:58:11 clouds 27o High | Kigali Rwanda

Dukurikire:
 
 

Jeannette Kagame na Margaret Kenyatta bitabiriye Kigali Peace Marathon

Yanditswe na IMVAHO NSHYA

Kuya 2017-05-21 12:19:30

 
Share on:
 
Yasuwe:236
 
Yavuzweho:200
 
10
 
10

Madamu Jeannette Kagame ari kumwe na Margaret Kenyatta, Madamu wa Perezida wa Kenya, bifatanyije n’abantu bagera kuri 500 mu rugendo rw’amahoro aho bagenze intera y’ibilometero 9,5 aho kuba 7 nk’uko byari biteganyijwe.

Uru rugendo “Run for Peace” ni igice kimwe mu bigize isiganwa ryitiriwe Amahoro “Kigali International Peace Marathon” aho ryitabirwa n’abantu b’ingeri zose bagakora urugendo.

Uyu mwaka wa 2017 ubwo iri siganwa ryabaga ku nshuro ya 13, ejo hashize tariki 21 Gicurasi 2017, Madamu Jeanette Kagame ari kumwe na Margaret Kenyatta bakoze uru rugendo rureshya n’ibilometero 9,5 aho bavuye kuri Sitade Amahoro i Remera bakomereza Kacyiru kuri Hoteli Umubano basubira kuri Sitade Amahoro.

JPEG - 268.4 kb
Madamu Jeannette Kagame (iburyo) na Madamu Margaret Kenyatta ubwo bari bitabiriye urugendo rw’amahoro

Minisitiri w’Umuco na Siporo “MINISPOC”, Uwacu Julienne, nyuma y’iri rushanwa yashimiye cyane Perezida w’u Rwanda, Paul Kagame, udahwema gushyigikira iterambere ry’imikino mu Rwanda by’umwihariko isiganwa rya Marato yitiriwe Amahoro.

Yashimiye Madamu Jeanette Kagame na Margaret Kenyatta kuba barabashije kwifatanya n’Abanyarwanda ndetse n’abandi batandukanye muri iki gikorwa. Jeanette Kagame na Margaret Kenyatta bakaba barashyikirijwe imidali y’ishimwe nk’abakinnyi beza ba Marato yitiriwe Amahoro 2017.

Iri rushanwa rya Marato yitiriwe Amahoro “Kigali International Peace Marathon” ryatangiye muri 2005 rikaba rifite intego yo gusakaza umuco w’amahoro mu Rwanda no mu mahanga, akaba ari ryo ryonyine ku isi rifite iyi ntego. Kuva 2005 kugeza uyu munsi ryitabirwa n’abantu b’ingeri zose kandi bavuye mu bihugu bitandukanye ku isi yose.

Muri Werurwe 2016, Madamu Jeannette Kagame ari kumwe na Margaret Kenyatta ndetse n’abandi bayobozi b’igihugu muri Kenya bitabiriye isiganwa “Beyond Zero Half marathon” i Nairobi muri Kenya.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE