Advertisement
 
 
 
 
 
 
 
 

Amakuru | Mu Rwanda

Itorero ririnda abana b’u Rwanda ntibapfire mu iterura – Perezida Kagame   

  Yanditswe na TWAGIRA WILSON
 July 2016

 
 

Perezida Kagame Paul yibukije urubyiruko rw’abanyeshuri biga mu Rwanda no hanze bitabiriye Itorero Indangamirwa ku nshuro ya 9 ko itorero ari ishuri rishingiye ku mateka agamije gutoza urubyiruko rw’abanyarwanda indangagaciro z’igihugu cyabo.

Yavuze ko itorero rifasha kugorora abagiye gutana, baba bagiye kwangirika, dore ko umwana apfa mu iterura, aboneraho gusaba Itorero ry’Indangamirwa kwiyubakamo ubushobozi buzamura igihugu no kugiteza imbere.

Umukuru w’Igihugu yabivugiye mu kigo cya Gabiro mu karere ka Gatsibo ubwo yasozaga ku mugaragaro icyiciro cya 9 cy’Itorero ry’Indangamirwa cyigizwe n’abanyeshuri b’abanyarwanda bangana na 345 bagizwe abahungu 170, n’abakobwa 175, barimo abasoje ibizamini mu mwaka w’amashuri 2015.

Perezida Kagame yagize ati “Hano ni ukubasogongeza inzira y’uburere ibafasha uko mugenda mukura, abafite imico cyangwa imyitwarire idakwiye, bayisige hano tugende turi intore zibereye u Rwanda, mwiteguye kugira uruhare mu kubaka igihugu.”



Asanga kandi urubyiruko rukwiriye uburere bushingiye ku ndangagaciro nziza, no kwiyubakamo ubushobozi buzamura, bukanateza imbere igihugu.

Ati “ N’iyo waba ufite ubumenyi, uburere buke, butuma bwa bumenyi ntacyo bukumarira, icyo musabwa ni ukuba abantu bazima, mugasobanukirwa ko kubana ari ngombwa kuko ntawe ushobora kuba wenyine [..] Umugani Nyarwanda uravuga ngo "umwana apfa mu iterura," Itorero ridufasha kwirinda ko ibyo byatubaho.’’.

Umuyobozi wa Komisiyo y’Itorero ry’Igihugu, Boniface Rucagu yavuze ko iri torero ryafashije urubyiruko rw’u Rwanda kumva neza akamaro k’indangagaciro na kirazira z’umuco nyarwanda mu kubaka igihugu, amateka yacyo, kumenya uruhare rwabo mu iterambere ry’u Rwanda n’inshingano bafite mu kurushakira imbuto n’amaboko kimwe no gusigasigara indangagaciro zifasha kubaka igihugu.

Mubyo bigishijwe harimo amateka y’u Rwanda, aho rwavuye, aho rugeze n’aho rwerekeza, n’imyitozo yo mu rwego rwa gisirikare.

Bamwe mu baganiriye n’itangazamakuru mu bagize Itorero ry’Indangamirwa zavuze ko ziteguye kugaragaza u Rwanda mu mahanga.

Umwe muri bo witwa Olivier Niyonsenga wiga muri Ghana, yavuze ko yajyaga ahura n’ikibazo cyo kudasobanukirwa neza amateka y’igihugu, bityo babimuganiriza akabura icyo asobanura.







 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.