Advertisement
 
 
 
 
 
 
 
 

Amakuru | Mu Rwanda

Rubavu: ADEPR yahagurukiye ubuyobe bw’abasengera mu bihuru   

  Yanditswe na IYAREMYE YVES
 September 2016

 
 

Itorero ADEPR mu karere ka Rubavu ryahagurukiye abakirisitu bajya gusengera mu bihuru (kujya mu butayu) ku musozi wa Rubavu nyuma y’aho bigaragariye ko bashobora kuba icyanzu cy’abahungabanya umutekano mu mujyi wa Rubavu cyane ko nta buryo bwo gutandukanya umugizi wa nabi n’umunyamasengesho buraboneka.

Mu nama y’umutekano y’Umurenge Gisenyi yateranye ku wa 20 Nzeri 2016 Pasitoro Mikatire Eliisaphany umushumba w’Itorero rya ADEPR Paruwasi ya Gisa mu karere ka Rubavu yahamije ko ubu buryo bwo gusenga bageze kure babuca kuko ari ubuyobe.

Yagize ati “Twatangiye kurwanya ubuyobe bwari bwaje mu bakirisitu, abapasitoro twarahagurutse turabyamagana nta mukirisitu dutuma kujya mu butayu kuko ntabwo twemerera umuntu uvuga ko agiye gukorera ahantu tutazi ngo abyitirire itorero turabigaya, babona ko tubigaye bakabivamo.”

JPEG - 222.5 kb
Umusozi wa Rubavu uvugwaho guhuriraho abasenga n’abakora ibikorwa by’urugomo

Iyi nama y’umutekano yabaye nyuma hibwe iduka ry’ibikoresho by’ikoranabuhanga bikekwa ko aba bajura bihisha mu musozi wa Rubavu. Col. Kayumba Alex ukuriye ingabo mu karere ka Rubavu, Nyabihu na Ngororero, avuga ko nta bantu bakwiye kujya mu musozi gusengerayo kuko bashobora kwitiranwa n’abajura.

Aragira ati “ Ntibyumvikana ukuntu umuntu abyuka mu ijoro akajya mu ishyamba ngo agiye gusengera mu butayu, ubwo se wamutandukanya ute n’umuntu wihisha muri iryo shyamba ahungabanya umutekano? Ni kimwe na ba bayisilamu basengera mu mazu kandi hari imisigiti yabugenewe, abantu bagomba kujya basengera ahabugenewe kugira ngo umtekano uruseho kugenda neza.”

Mugisha Honore Umunyamabanga w’Umurenge wa Gisenyi avuga ko nubwo nta muntu wigeze utabwa muri yombi, inzego z’umutekano zigaragaza ko hari abashobora gufatwa bari mu mashyamba cyangwa mu bihuru bakitwaza ko bari gusengera mu butayu kandi bafite indi migambi mibisha yo guhungabanya umutekano.

Bimwe mu bikorwa bihungabanya umutekano bikunze kugaragara mu karere ka Rubavu harimo ibitero bya FDLR bikunze gukorerwa mu Murenge wa Bugeshi,bujura bukorwa hatobowe amazu, ubujura bw’amatelefoni yibwa ba nyirayo bayavugiraho n’ibindi.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.