Advertisement
 
 
 
 
 
 
 
 

Amakuru | Mu Rwanda

Iterambere ry’u Rwanda ryubikiye imbehe kaminuza zo muri Congo   

  Yanditswe na BAHUWIYONGERA SYLVESTRE
 18 May

 
 

Abayobozi ba kaminuza z’i Bukavu muri Repubulika iharanira Demokarasi ya Kongo barataka igihombo gikabije batewe n’ubwiyongere bwa za kaminuza mu turere twa Rusizi na Nyamasheke, bigatuma abanyarwanda bambuka umupaka bajya kwiga i Bukavu bagabanuka cyane.

Mu myaka nk’itanu ishize, umubare munini w’Abanyarwanda bambukaga umupaka wa Rusizi bajya guhaha ubumenyi muri za kaminuza z’i Bukavu, bitewe n’uko za kaminuza zari zikiri nke mu Rwanda, ndetse izo muri Kongo zikaba ngo zarishyuzaga amafaranga make.

Uyu mubare munini w’abanyarwanda bajyaga kwiga muri Kongo watumye abashoramari baho bashyekerwa, maze bubaka za kaminuza nyinshi hafi y’u Rwanda, bizeye kungukira muri aba banyarwanda bagaragazaga inyota idasanzwe y’ubumenyi.

JPEG - 173.6 kb
Impfura za Kaminuza ya Kibogora Polytechinique mu karere ka Nyamasheke (Foto Bahuwiyongera S)

Mu rwego rwo korohereza abanyarwanda no kubareshya, hari zimwe muri kaminuza zaho ngo zoherezaga abarimu mu Rwanda, bakajya kwigishiriza abanyeshuri mu ngo iwabo, bitabaye ngombwa ko umunyeshuri yambuka umupaka ajya ku ishuri.

Ibyo izi kaminuza zo muri Kongo zakoreshaga mu kureshya abanyarwanda ni byinshi, dore ko ngo n’abazirangizagamo bamwe bazihabwagamo akazi ko kwigisha, byose muri gahunda yo kurushaho gukurura abanyarwanda ngo babahe ku mafaranga.

Bijyanye n’iterambere ryihuta cyane mu Rwanda, mu myaka mike ishize umubare wa za kaminuza mu Rwanda wariyongereye cyane, by’umwihariko mu turere twa Rusizi na Nyamasheke havuga za kaminuza, maze zivuna amaguru abajyaga guhaha ubumenyi i Bukavu.

Izi kaminuza zo mu Rwanda zazanye akarusho k’uburezi bufite ireme, maze abanyeshuri b’abanyarwanda bazigana ku bwinshi, izo muri Kongo zibura abanyeshuri.

Mu kiganiro Imvaho Nshya yagiranye na bamwe mu bayobozi ba kaminuza z’i Bukavu, bayigaragarije ko zimwe zatangiye gufunga imiryango, izindi zimukira mu mujyi rwagati wa Bukavu, dore hari izatakaje abanyeshuri barenga 90%.

Umuyobozi w’imwe muri izi kaminuza z’i Bukavu yabwiye Imvaho Nshya ko amafaranga abanyeshuri b’abanyekongo gusa bariha atatuma izi kaminuza zikomeza kubaho, dore ko ubusanzwe abanyarwanda barihaga menshi ugereranyije n’abenegihugu.

Yagize ati:“Twarahombye bikabije ndetse bamwe dushobora no gutangira gufunga imiryango, kuko tudashobora kubona amafaranga yo gukoresha aturutse mu banyeshuri b’abanyekongo gusa.

Kuko kaminuza ari nyinshi cyane kandi bariha make, kikaba ari ikibazo kidukomereye cyane, tudashobora kubonera igisubizo.”

Umuhuzabikorwa w’inzego zikorera ku mupaka wa Rusizi ya mbere ku ruhande rw’u Rwanda, Nyaminani Alphonse, aherutse kubwira iki kinyamakuru ko kuva aho kaminuza zitangiye kubonekera i Rusizi na Nyamasheke, abambuka umupaka bajya kwiga muri Kongo bagabanutse cyane, kuko inyota y’ubumenyi bari bafite n’igihugu cyabo cyayibamaze.

Yagize ati:“Mbere hano hacaga abatari munsi ya 3000 mu mpera z’icyumweru n’abandi nka 1500 buri munsi ariko ubu haraca abatarenga 50 ku munsi, kuko na kaminuza bazegerejwe iwabo.”

 

Comments

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.