Advertisement
 
 
 
 
 
 
 
 

Amakuru | Mu Rwanda

Isoko rya Congo ryakura Rubavu inyuma mu mihigo- Min. Uwacu   

  Yanditswe na IYAREMYE YVES
 2 weeks ago

 
 

Abakomoka mu karere ka Rubavu batuye i Kigali, mu yindi mijyi no hanze y’igihugu biyemeje kugira uruhare mu gufasha ubuyobozi kwigbotora guhora mu myanya igayitse mu mihigo, guhera muri uyu mwaka wa 2016/2017 ntikazongere kugaragara inyuma.

Aba baturage barimo abayobozi, abacuruzi, abakozi b’inzego zitandukanye bavuga ko bitumvikana uburyo akarere kahora mu myanya ya nyuma mu kwesa imihigo kandi hari amahirwe menshi karushya utundi turere arimo no kuba gakora kuri Repubulika Iharanira Demokarasi ya Congo ifite amahirwe yagutse y’ubucuruzi n’u Rwanda .

Minisitiri w’Umuco na Siporo Uwacu Julienne uri muri aba bakomoka muri aka karere yasabye Guverineri kureba amahirwe yo kuba akarere gakora ku kindi gihugu n’andi mahirwe bikabyazwa umusaruro bikazamura n’utundi turere.

Minisitiri Uwacu Julienne yasabye Akarere ka Rubavu kubyaza amahirwe afatika kuba gaturanye na Repubulika Iharanira Demokarasi ya Congo


Mu nama yabahuje ku wa Gatandatu tariki 19 Ugushyingo, Minisitiri Uwacu yagize ati “Akarere ka Rubavu gafite byinshi byakubakirwaho kugira ngo gatere imbere; ni amahirwe utasanga ahandi, harimo ikiyaga cya Kivu twashoramo imari zitandukanye,ubutaka n’ibindi, hakiyongeraho kuba bafite isoko ryagutse muri Repubulika Iharanira Demokarasi ya Congo.”

Yakomeje asaba kubyaza aya mahirwe umusaruro ati “Dukwiye kurwanya ipfunwe ryo guhora inyuma mu mihigo tugira uruhare mu kuzamura akarere kacu. Ubushize akarere kegukanye umwanya wa 21 mu tundi turere tugize igihugu; kuki guhora inyuma uruhere rwanyu rurakenewe mu kurwanira imyanya y’imbere.”

Abikorera bagaragaje ko kuba barimutse bitavuze ko batafasha akarere gukomeza gutera imbere bavuga ko bagiye gufashanya ngo bikure inyuma cyane ko abahakomoka bose memeje guhuza imbaraga.

JPEG - 175.3 kb
Bahame Hassan mu bari bitabiriye inama nlk’umwe mu bayoboye aka karere

Manishimwe Ramadhan ati “Ubu hashizweho ihuriro riduhuza. Ni imbaraga nyinshi twungutse tugiye gufashanya tuzamura iterambere ry’akarere muri byose, byari bibabaje kubona Akarere kacu gahora inyuma natwe iyo tubyumvise biratubabaza.”

Guverineri w’Intara y’Iburengezazuba Munyantwari Alphonse yahamije ko nta mpamvu yo guhatanira imyanya mibi kandi imyiza ihari.

Yagize ati “Wahitamo imyanya y’inyuma iy’imbere ihari? Nta mpamvu yo kurwanira imyanya ya nyuma mu mihigo kandi iy’imbere ihari akarere ntacyo kabuze. Niba hari n’ikibaze i Rubavu utundi turere tubuze byinshi.”

Yakomeje asaba abikorera gushora imari mu bikorwa bitandukanye bigaragara muri aka karere nko kubyaza amahirwe Ikiyaga cya Kivu n’inkengero zacyo, ibyza nyaburanga bitandukanye, n’ibindi.

JPEG - 148.3 kb
Guverineri w’Intara y’Iburengerazuba Munyentwari Alphonse
JPEG - 349.7 kb
Abayobozi batandukanye bakomoka mu Karere ka Rubavu bari bitabiriye
JPEG - 211.6 kb
Abakomoka muri aka karere atanze ibitekerezo,bose bemeza ko ari bo bafite inshingano


 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.