Advertisement
 
 
 
 
 
 
 
 

Amakuru | Mu Rwanda

Ireme ry’uburezi ntiripimirwa ku gipimo kimwe-Dr Musafiri   

  Yanditswe na GATETE JEAN BOSCO
 4 months ago

 
 

Minisitiri w’Uburezi Dr Musafiri Papias Marimba aratangaza ko abavuga ko ireme ry’uburezi rikiri hasi bakwiye kumenya ko ridapimirwa ku gipimo kimwe, kandi ko nta muntu ukwiye kwirengagiza ko hari byinshi byagezweho mu rwego rw’uburezi.

Mu kiganiro n’Itangazamakuru nyuma yo gusobanura imiterere y’urwego rw’uburezi mu mwaka wa 2015-2016, n’ibiteganywa mu ngengo y’imari y’umwaka wa 2016/2017, ku kibazo Minisitiri yabajijwe cy’ireme ry’uburezi bivugwa ko riri hasi yavuze ko ridapimirwa ku gipimo kimwe.

Ati “Ireme ry’uburezi riri hasi uturuka hehe ujya he? Ireme ry’uburezi ripimirwa ku bintu byinshi cyane, ntitwakwirengagiza ko hari byinshi byagezweho hashingiwe ku ireme ry’uburezi.”

JPEG - 358.1 kb
Minisitiri w’uburezi Dr Musafiri Papias Marimba hagati, Abanyamabanga ba Leta muri MINEDUC, iburyo Isaac Munyakazi, na Olivier Rwamukwaya( ibumoso)

Minisitiri Papias avuga ko mu bishingirwaho harimo inyigisho zinoze, Abarimu n’ibikorwaremezo bibereye. Ati “Mu myaka 15 turateganya kuzajya dupima ireme ry’uburezi hashingiwe ku bindi bipimo.”

Ku bijyanye n’umubare w’abatazi gusoma no kwandika ukirimo ab’igitsina gore benshi, yavuze ko uko baba bangana kose bikwiye kuvaho uwo mubare nawo ukamenya gusoma no kwandika.

Umukozi ushinzwe uburezi mu Karere ka Rutsiro Niyorurema Damas avuga ko we asanga ubwitabire buke mu mashuri y’incuke mu cyaro aho abana b’imyaka hagati y’itatu n’itandatu batiga ari bimwe mu biviramo abana gutsindwa iyo bageze mu mashuri abanza kuko bazamutse badafite ubumenyi bw’ibanze.

Avuga ko mu mwaka wa mbere n’uwa gatanu basibira kuri 18%, uko gusibira iyo gukomeje biviramo abana guta ishuri.

Minisitiri asanga uruhare rw’abikorera ari ngombwa cyane kugira ngo ikibazo cy’amashuri y’incuke akiri make kimwe no guteza imbere urwego rw’uburezi muri rusange kigerweho.

Ku bijyanye n’ikibazo cy’abana b’abakobwa bakiri bake mu mashuri y’ubumenyi n’ay’ubumenyingiro Minisitiri Musafiri yagize ati “Biracyari ikibazo abakobwa baracyari bacye muri ayo mashuri harimo gukorwa ubushakashatsi kugira ngo hajyeho politiki y’uburezi bw’umwana w’umukobwa bityo uwo mubare w’abakobwa wiyongere muri icyo cyiciro.”

Dr Musafiri yashimangiye ko mu rwego rwo guteza imbere ikoranabuhanga hagiye gushyirwa mu mashuri 200 “Smart Class Rooms”, ibyumba bizaba bifite ikoranabuhanga ku rwego rwizewe.

Minisiteri y’Uburezi igaragaza ko ingengo y’imari y’umwaka wa 2015/2016 yarakoreshejwe ku gipimo cya 100% byerekana ko amafaranga yose yashyizwe aho yagombaga kujya. Ingengo y’imari y’umwaka wa 2015/2016 ingana na miliyari zisaga 203.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.