Advertisement
 
 
 
 
 
 
 
 

Amakuru | Mu Rwanda

Inyubako zigezweho ziruzuzwa n’ibikoresho byo mu Rwanda   

  Yanditswe na NTAWITONDA JEAN CLAUDE
 July 2016

 
 

Inyubako nshya zigezweho mu mujyi wa Kigali n’ahandi hatandukanye mu gihugu zakanguye abahanga mu guhanga inyubako n’abahanga mu by’ubwubatsi (erchitects and enginiers) babona ko ibikoresho by’ubwubatsi byakorewe mu Rwanda bifite uburambe n’umucyo kurusha ibisanzwe bikoreshwa bitumijwe mu mahanga.

Inyubako zigezweho zubakishijwe ibikoresho byiganjemo ibyo mu Rwanda zirimo iya Kigali Convention Center, Inyubako zivuguruye z’Ikibuga cy’Indege cya Kigali, Ibirindiro bikuru bishya bya Polisi y’u Rwanda ku Kacyiru, inyubako ikoreramo Hoteli Marriot, inyubako ya Makuza, Ibiro by’Umujyi wa Kigali, zimwe mu nyumabo z’uturere zigenda zuzuzwa n’izindi.

Ibikoresho by'ubwubatsi byakorewe mu Rwanda bifite umwihariko

Ibyakoreshejwe birimo amakaro agezweho yakorewe mu Rwanda, amarangi, amatafari agezweho, sima nyarwanda ibikoresho byubaka ibikuta byose bitunganyirizwa mu Rwanda hanakoreshejwe ibikoresho by’ibanze byo mu gihugu, ari na byo bigira uruhare mu kuzamura ubukungu bw’Abanyarwanda.

Zimwe mu nganda zifite ubushobozi mu gukora ibikoresho by’ubwubatsi bitangwaho urugero ni EAGI ikora amakaro agezweho, Ruliba ikora amatafari n’amategura, Strawtec ikora ibikoresho by’inkuta mu bikenyeri by’ingano n’izindi zitezwe kubakwa mu gihugu.

Mu nama yahuje abahanga mu guhanga inyubako n’abahanga mu by’ubwubatsi mu Rwanda baganira ku mahirwe yo gukoresha iby’i Rwanda, Kayumba Eudes umwe mu muri bo akaba anakuriye ihuriro ryabo muri Afurika y’Uburasirazuba n’iyo hagati yavuze ko igihe kigeze ngo bahe imbaraga Politiki ya Leta y’u Rwanda mu kubaka inzu zigezweho, ziramba kandi zifasha mu kubungabunga ibidukikije.

JPEG - 107.8 kb
Isura nshya y’Ikibuga cy’Indege ikomoka ku bikoresho byo mu Rwanda

Yagize ati “Uretse kuba ari Politiki y’igihugu yo gukoresha ibyakorewe mu Rwanda, ariko ukuri ni uko ibikoresho byo mu mu Rwanda ari ibumba, amatafari, amabuye meza bigira uruhare mu kugabanya ingaruka zihumanya ikirere kurusha ibigurwa hanze batubeshya ko ari byo byiza kurusha ibyacu.”

Yakomeje agira ati “Ntabwo twari tuzi ko dushobora kubona amakaro akorewe mu Rwanda ariko ubungubu dufite amakaro meza cyane yubatse inyubako nshya zose mubona mu mujyi wa Kigali, kandi amakaro avuye ku ruganda rwa Nyagatare ntayo ayarusha ubuziranenge wabona, dufite amatafari n’amategura meza cyane bidahumanya ikirere.”

JPEG - 63.9 kb
Ibirindiro bishya bya Polisi y’u Rwanda

Abahagarariye izi nganda bitabiriye inama batangaje ko babangamiwe cyane n’uko Abanyarwanda bafite imyumvire ko ibi bikoresho bihenze.

Ihirwe K. Françoise ukuriye ubucuruzi mu ruganda rukora amakaro agezweho yagize ati “Abanyarwanda bishyiramo ko ibikorerwamu Rwanda bihenze batarabigereranya n’ibiva mu mahanga. Nk’ubu meterokare imwe tuyigurisha ibihumbi 21 ku ruganda mu gihe amakaro atumizwa mu Bushinwa agura ibihumbi 80 kuri meterokare.”

Abakora ibikoresho by’ubwubatsi bigezweho barahamya ko Abanyarwanda babaganye, barushaho kubona inyubako ziramba kandi zigezweho, abahanga mu by’imyubakire mu nzego zose bibutswa ko mu gihe bakora inyigo no kuzishyira mu bikorwa bakwiye kibanda ku byakorewe mu Rwanda.

JPEG - 191.8 kb
Ibiro by’Umujyi wa Kigali na byo bikorera mu nyubako yubakishijwe ibikoresho byinshi by’u Rwanda
JPEG - 316.6 kb
Inyubako ya Makuza na yo yiganjemo ibikoresho byakorewe mu Rwanda
JPEG - 139.8 kb
Hoteki Marriott i Kigali
 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.