2017-08-20 07:43:19 clouds 27o High | Kigali Rwanda

Dukurikire:
 
 

Muri Army Week ingabo zizazamura imibereho y’abaturage –Gen. Nyamvumba

Yanditswe na IMVAHO NSHYA

Kuya 2017-05-04 14:11:09

 
Share on:
 
Yasuwe:213
 
Yavuzweho:200
 
10
 
10

Ingabo z’u Rwanda zongeye gutegura ibikorwa byahariwe icyumweru cy’Ingabo (Army week) gikorwamo ibikorwa binyuranye bifasha abaturage cyane abatishoboye kugira imibereho myiza no guca ukubiri n’ubukene, aho icy’uyu mwaka kizanye umwihariko udasanzwe.

Gutangiza “Army Week” (ibikorwa Ingabo z’Igihugu zifatanyamo n’abaturage) byabaye ejo hashize ku wa kane tariki ya 4 Gicurasi 2017 mu karere ka Kicukiro, umurenge wa Nyarugunga mu kagari ka Rwimbogo mu gishanga cyo ku Mushumba Mwiza, aho Ingabo n’abaturage batunganyije iki gishanga gihingwamo imboga ku buso bwa hegitari 17.

Umugaba Mukuru w’Ingabo z’u Rwanda Gen. Patrick Nyamvumba, asanga ibikorwa bya “Army Week” biganisha ku kwibohora nyakuri hagamijwe imibereho myiza y’abaturage binyuze mu musanzu w’Abanyarwanda.

JPEG - 271.6 kb
Minisitiri w’Ibikorwa Remezo, Musoni James hamwe n’umugaba mukuru w’ingabo Nyamvumba mu gikorwa cya ARMY WEEK(Foto James R)

Bimwe mu bikorwa bigaragara muri iki cyumweru, harimo ubuvuzi bw’indwara zitandukanye butangwa n’Ingabo z’Igihugu ku buntu, kubaka no gusana ibikorwaremezo bitandukanye, n’ibindi.

Umuvugizi w’Ingabo z’u Rwanda, Lt. Col. Réné Ngendahimana, yavuze ko iki cyumweru cy’Ingabo gifite umwihariko, aho yagize ati “Ni icyumweru cy’Ingabo kidasanzwe bitewe n’uko ibikorwa biteganyijwe bitandukanye n’ibyo twajyaga dukora nko mu karere kamwe cyangwa se mu gice kimwe cy’igihugu, ubu noneho bizafata igihugu cyose.

Uturere twose hari ibikorwa bizakorerwayo by’umwihariko nk’ubuvuzi buzazenguruka uturere twose tw’u Rwanda. Ikindi bizafata igihe kinini; birenze icyumweru nk’uko byari bimenyerewe kuko bizatangira ku wa 4 Gicurasi bizagere muri Nyakanga 2017.”

Mu rwego rw’ubuvuzi, buzatangwa ku buntu, bizakorerwa mu bitaro hafi ya byose mu gihugu, habagwa abantu bafite uburwayi bwarengeranye kubera ubushobozi buke, kuvura amaso, indwara z’abagore, iz’ubuhumekero n’iz’amenyo.

Hazasanwa ndetse hanubakwe ibiraro, aho biteganyijwe ko ibigera kuri 18 biri hirya no hino mu gihugu bizasanwa; hazubakwa inzu 1,120 z’abatishoboye, ibigo nderabuzima 21 bizahabwa amazi n’amashanyarazi akomoka ku mirasire y’izuba.

Hazubakwa ndetse hasanwe ibyumba by’amashuri 100 ubwiherero 168; ingo ibihumbi 100 nazo zizahabwa umuriro wamashanuarazi udashingiye ku muyoboro mugari “National Grid”.

Minisitiri w’Ibikorwaremezo Musoni James, avuga ko imiyoborere myiza igaragarira mu bikorwa nk’ibi bya “Army week”, aho Ingabo zifatanya n’abaturage guhuza no gushyira hamwe ingufu mu rwego rwo kwikemurira ibibazo.

Ingabo z’u Rwanda zikaba zidakora ibikorwa byo kurinda umutekano w’u Rwanda gusa, ahubwo zinagira uruhare mu iterambere ryarwo binyuze mu bikorwa binyuranye biteza imbere abaturage, ibintu bitaboneka ahandi ku isi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE