Advertisement
 
 
 
 
 
 
 
 

Amakuru | Mu Rwanda

Indiana: Abanyarwanda bashimye Inkotanyi, bagaya abapfobya Jenoside   

  Yanditswe na TWAGIRA WILSON
 May 2016

 
 

Itsinda ry’Abanyarwanda baba mu mahanga hamwe n’inshuti zabo baba muri Leta ya Indiana muri Leta Zunze Ubumwe z’Amerika (USA) bagaye abagipfobya Jenoside, bashima ingabo zahoze ari iza FPR-Inkotanyi zabarokoye.

Aba banyarwanda bashimye ingabo zahoze ari iza RPA-Ikotanyi ubwo bifatanyaga mu kwibuka Jenoside yakorewe Abatutsi mu 1994 ku nshuro ya 22; iki gikorwa cyabereye mu mujyi wa Indianapolis.

Bamwe mu barokotse Jenoside bari muri uwo muhango barimo Mukantaganira Immaculée na bagenzi be banenga abakigaragaragaho ibikorwa byo gupfobya Jenoside, aho bamwe bashinyagura bavuga ko inzibutso zishyinguyemo Abatutsi bazize Jenoside zagizwe ubucuruzi bwa Jenoside n’ibindi.

Mukantaganira Immaculée yagarutse ku butwari bw’ingabo zari iza FPR-Inkotanyi, ati “Mwese uko muri aha, mumfashe dushime kandi ntituzibagirwe ubutwari bw’abaturokoye, bagatanga ubuzima bwabo kugira ngo tubeho. Iyo Inkotanyi zitahaba, ubu uko twicaye hano ntituba duhari. Ntituzibagirwe abaturwanyeho igihe amahanga yari yadutereranye.”

JPEG - 612.3 kb
Bamwe mu banyarwanda bari bitabiriye umuhango wo Kwibuka22 muri Leta ya Indiana

Uwitwa Uwineza Olivier uba muri USA yabwiye Imvaho Nshya ko uyu muhango wateguwe n’umuryango “Peace Center for Forgiveness & Reconciliation”. Akaba ari umuhango waranzwe n’amasengesho yo kwiragiza Imana no kuyishimira ibyiza yakoze, ndetse igikorere u Rwanda n’Abanyarwanda.

Pasiteri Emmanuel Musinga wayoboye igikorwa cy’amasengesho, yibukije ko n’ubwo Abanyarwanda benshi cyane cyane abarokotse Jenoside bakomerekejwe nayo byaba ku mubiri ndetse no ku mutima, bitavuze ko bazabaho basabiriza.

Ati “Nubwo twashegeshwe n’amahano yadukorewe, ariko mujye mwibuka ko muri umugisha ku miryango yanyu, ku gihugu cyanyu ndetse no kuri Amerika yabakiriye. Ntimuzatume hari ikibatera gusabiriza, muzihagarareho mube abagabo ndetse n’urubyiruko ruhesha ishema abo mukomokaho.”

Theophile Kimonyo, umwe mu batanze ubuhamya, yavuze ko amateka ya Jenoside adatangirira mu 1994. Asobanura uburyo Abanyarwanda babanaga neza mbere y’umwaduko w’abazungu.

Kizito D. Kalima washinze umuryango “Peace Center for Forgiveness& Reconciliation” yasabye abari bitabiriye uyu muhango gucana urumuri rw’ikizere cy’ejo hazaza. Kizito wari ufite imyaka 14 muri Jenoside, yavuga ko agifite abo mu muryango we barokotse na bo bakiriho.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.