2017-07-27 11:26:56 clouds 27o High | Kigali Rwanda

Dukurikire:
 
 

Imwe mu mfungwa za Sierra Leone ziri mu Rwanda yitabye Imana

Yanditswe na IMVAHO NSHYA

Kuya 2016-06-09 15:32:36

 
Share on:
 
Yasuwe:1
 
Yavuzweho:200
 
10
 
10

Alex Tamba Brima umwe mu mfungwa z’Urukiko Mpuzamahanga Rwihariye kuri Sierra Leone zagombaga kurangiriza ibihano mu Rwanda yitabye Imana azize uburwayi.

Umuvugizi wa RCS, CIP Hillary Sengabo yemeje aya makuru avuga ko nubwo Alex Tamba Brima yazize uburwayi umubiri we ukomeza gusuzumwa kwa muganga hakamenyekana neza icyamwishe.

Alex Tamba Brima wahoze ari umuyobozi mu gisirikare cya Sierra Leone ni umwe mu mfungwa umunani zoherejwe mu Rwanda mu mwaka wa 2009 kugira ngo zize kurangiriza igihano muri gereza ya Mpanga iherereye mu karere ka Nyanza Intara y’Amajyepfo.

Aboherejwe ni Issa Sesay, Morris Kallon, Alex Tamba Brima, Santigie Borbor Kanu, Ibrahim Bazzy Kamara, Augustine Gboa, Musa Kondowa na Moinina Fofana; bagiye bakatirwa imyaka itandukanye ijyanye n’ibyaha byabahamaga.

JPEG - 96 kb
Alex Tamba Brima yitabye Imana azize uburwayi

Brima yatawe muri yombi tariki 10 Werurwe mu 2003, urubanza rwe na bagenzi be Brima Bazzy Kamara and Santigie Borbor Kanu rutangira kuburanishwa ku ya 7 Werurwe 2005.

Mu mwalka wa 2007 uyu mugabo wabarizwaga mu mutwe w’ingabo 17 ziyise ’Imbaraga za gisirikare z’Akanama gaharanira impinduka’ yahamwe n’ibyaha byibasiye inyokomuntu, ubwicanyi, gufata ku ngufu gukoresha abana mu ntambara byakozwe ubwo bageragezaga kudeta mu mwaka 1997, akatirwa imyaka 50 y’igifungo .

Izi mfungwa zishinjwa ibyaha by’intambara n’ibyibasiriye inyoko muntu, ubwicanyi ndengakamere, gufatwa ku ngufu n’ibindi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE