Advertisement
 
 
 
 
 
 
 
 

Amakuru | Mu Rwanda

Imvura idasanzwe yahejeje bamwe mu bagenzi muri Gare ya Rubavu   

  Yanditswe na IYAREMYE YVES
 May 2016

 
 

Abagenzi bavaga mu mujyi wa Rubavu berekeza mu wa Musanze babangamiwe cyane n’icyemezo cyafashwe n’amasosiyete atwara abagenzi yerekeza i Kigali yahagaritse ingendo, bikaba byatumye ababona uko bagenda bahendwa n’imodoka zimwe zibemerera kubatwara zikishyiriraho ibiciro nyuma y’imvura idasanzwe yibasiye intara y’Amajyaruguru n’Uburengerazuba.

Kugeza ubu amafaranga y’urugendo ku muntu ushaka kujya Kigali ari kubarirwa hagati y’ibihumbi 4000 na 5000 mu gihe igiciro cya RURA ari 3000; Gusa ngo byatewe n’uko urugendo rwiyongereye kuko bibasaba kubanza guca I Muhanga kugira ngo bagere i Kigali.

Izi mpindukazabaye nyuma y’aho umuhanda Musanze-Gakenke wangijwe n’imvura bigatuma uhagarikwa by’agateganyo kugira ngo ubanze usanwe unasukurwe aharidukiye inkangu!

Abagenzi binubira kuba hatahagaritswe imodoka ziva Musanze zerekeza I Kigali gusa, none nab o bakaba barimo kubihomberamo.

JPEG - 123.2 kb
Bamwe mu berekezaga i Gakenke baheze muri Gare ya Rubavu

Bamwe mu baganzi Imvaho Nshya yasanze muri Gare ya Rubavu bavuze ko batewe ibihombo bikabije no kuba umuhanda imodoka zanze kugenda. Bamwe muri bo bari bafite gahunda zihutirwa, abandi ni abatewe impungenge n’imiryango yabo basize mu Gakenke batazi niba barokotse.

Manishimwe Jean Pierre yagize ati "Nari mfite gahunda zihutirwa i Musanze ariko ibi byabaye byo guhagarika imodoka byadutunguye biraduhombeje cyane kabisa.”

Abandi bagenzi ntibababajwe n’ingendo gusa ahubwo bafite imiryango mu karere ka Gakenke babuze uko bajya kureba basanga ari bene wabo bahitanywe n’ibiza bakagira icyo bakora.

Mukeshimana Emertha avuka mu Gakenke yagize ati"Numvishe ngo mu gace k’iwacu hibasiriwe n’ibiza ntabwo ntuje ntaramenya niba umuryango wanjye wahashiriye kandi kugira ngo njye mu Gakenke ni ukubanza guca Mukamira, Muhanga, Kigali nkagaruka Gakenke. Ndumva ari ibibazo nshobora kuhagera nabwo ngasanga ntabwo imodoka zirimo kugenda… byadushobeye."

Malakiya Musoni afite umurayango mu Gakenke yagize ati"Ubu kugera iwacu birabangamye imodoka bazihagaritse zinyura i Musanze kandi nta mafaranga twari dufite kugira ngo ugere Gakenke bisaba kunyura Muhanga-Kigali-Gakenke; kandi ni ko buri umwe arimo kwishyiriraho igiciro."

Imvaho Nshya ntiyabashije kuvugana n’abahagarariye sosiyetet zirwara abagenzi kuko ahenshi imiryango yari ifunguye ariko badatanga amatike.

JPEG - 114 kb
Imodoka zabaye nke, abashoferi babonya akaruhuko
 

Comments

Izina Ryanyu
IGITEKEREZO

 
 
Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Babiri bafunzwe bakekwaho guha ruswa abayobozi b’inzego z’ibanze
Babiri bafunzwe bakekwaho guha ruswa abayobozi b’inzego z’ibanze

Polisi y’u Rwanda mu turere twa Nyarugenge na Nyamasheke ifunze abagabo babibi bakekwaho kugerageza guha ruswa abayobozi b’inzego z’ibanze kugira ngo babakorere ibinyuranije n’amategeko. (...)

Nyarugenge: Polisi yafashe agatsiko k’abajura bibye mudasobwa muri GS Nzove
Nyarugenge: Polisi yafashe agatsiko k’abajura bibye mudasobwa muri GS Nzove

Abagabo 5 bafunzwe na Polisi y’u Rwanda ikorera mu karere ka Nyarugenge, nyuma yo gufatanwa ibikoresho by’ikoranabuhanga birimo za mudasobwa bari bibye mu ishuri ryisumbuye (GS) rya Nzove (...)

Polisi ya Uganda yashyikirije iy’u Rwanda uwashakishwaga akekwaho ubujura
Polisi ya Uganda yashyikirije iy’u Rwanda uwashakishwaga akekwaho ubujura

Polisi ya Uganda yashyikirije iy’u Rwanda Hategekimana Isaie w’imyaka 42 ukomoka mu murenge wa Nkanka mu karere ka Rusizi, washakishwaga na Polisi y’u Rwanda akekwaho ubujura yakoreye mu karere ka (...)

Polisi y’u Rwanda irishimira ubufatanye bwayo n’abaturage mu minsi mikuru
Polisi y’u Rwanda irishimira ubufatanye bwayo n’abaturage mu minsi mikuru

Polisi y’u Rwanda iravuga ko uretse impanuka nke zabaye, ubundi umutekano wari ntamakemwa mu minsi mikuru itambutse, uyu mutekano ukaba warabonetse kubera ubufatanye bwayo n’abaturage. Aganira (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.