Advertisement
 
 
 
 
 
 
 
 

Amakuru | Mu Rwanda

Imvura idasanzwe: Imihanda ijya mu Majyepfo n’Uburengerazuba yafunzwe   

  Yanditswe na HERVE UGIRUMUKUNDA
 May 2016

 
 

Umuhanda uva i Kigali werekeza mu Majyepfo no mu Burengerazuba unyuze i Muhanga ndetse n’uva i Kigali werekeza i mu Majyaruguru n’u Burengerazuba unyuze i Musanze yafunzwe nyuma y’imvura idasanzwe yibasiye amajyaruguru n’uburengerazuba bw’u Rwanda.

Umuhanda uva i Muhanga ukanyura mu Ngororero nawo wafungiwe ahitwa ku Cyome nyuma yo kuridukirwa n’inkangu.

Naho uva i Kigali werekeza i Muhanga wuzuriwe n’uruzi rwa Nyabarongo hafi y’uruganda rwa Ruliba ku rugabano rw’akarere ka Nyarugenge na Kamonyi.

JPEG - 58.6 kb
Uruzi rwa Nyabarongo rwuzuriye umuhanda Kigali- Muhanga urafungwa.

Imvura idasanzwe yaguye yateje ibiza bihitana ubuzima bw’abantu, isenya amazu y’abaturage, yangiza ibikorwaremezo birimo imihanda, ingomero z’Amashanyarazi, ndetse n’ibihingwa Mu ijoro ryo ku wa 7 rishyira 8 Gicurasi 2016.

Uturere twibasiwe cyane ni Gakenke na Muhanga. Ariko Rubavu, na Ngororero naho habaye ibiza byahitanye ubuzima bw’abantu. Ibyo biza byabaye byatwaye ubuzima bw’abantu basaga 49 ( Gakenke 34, Muhanga 8, Ngororero 3, Rubavu 4) hakomereka 26, hasenyuka amazu arenga 500, imihanda: irimo umuhanda wa Kigali-Musanze ndetse n’indi mihanda yo hagati mu turere nayo isibwa n’inkangu.

Mu itangazo yashyize ahagaragara kuri uyu wa Mbere ku ya 9 Gicurasi 2016, guverinoma y’u Rwanda yashimiye abaturage bakoze ubutabazi bwihuse, ndetse n’abacumbikiye abasenyewe n’ibiza.

JPEG - 74.8 kb
Umuhanda wa Muhanga-Ngororero waridukiwe n’inkangu nawo urafungwa

Guverinoma yanihanganishije imiryango yabuze ababo, kandi ngo yiteguye gukora ubutabazi bwose bushoboka ku bagezweho n’ingaruka z’ibyo biza, harimo gufasha imiryango gushyingura, guha ibikoresho by’ibanze byo mu rugo, ibiryamirwa n’by’isuku ku baturage basenyewe no kubabonera aho bacumbika.

JPEG - 33.7 kb
Kigali-Muhanga yafunzwe (© RBA)

Inzego zose za Leta kuva ku rwego rw’igihugu zahagurukiye kugira ngo zikumire ingaruka zakomoka ku bindi biza bishobora kuba mu gihe tugifite imvura.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.