Advertisement
 
 
 
 
 
 
 
 

Amakuru | Mu Rwanda

Ntihazabura ibibazo mu gihe imiyoboro y’amazi dufite yubatswe mu 1960 - Murekezi   

  Yanditswe na TWAGIRA WILSON
 August 2016

 
 

Minisitiri w’Intebe Murekezi Anastase asanga zimwe mu mbogamizi zugarije ikwirakwizwa ry’amazi mu mujyi wa Kigali n’ahandi, ari uko imiyoboro y’amazi ikoreshwa ishaje kandi itajyanye n’ubushobozi bw’abaturage bakoresha ayo mazi ndetse n’ingano yayo, kuko inyinshi muri yo usanga yarubatswe um myaka ya 1960.

Avuga ko ibyo bituma serivise zo gutanga amazi ku baturage zitagenda neza nk’uko bikenewe, asaba ibigo nka WASAC, gukorana n’abandi bafatanyabikorwa nk’uturere kugira ngo iyo miyoboro isanwe, iyindi yagurwe maze abaturage bagerweho n’amazi meza bitabagoye.

Ubu butumwa Minisitiri w’Intebe yabugejeje ku mitwe yombi y’abagize Inteko ishinga amategeko, ubwo yabagezagaho ibikorwa bya Guverinoma mu rwego rw’amazi n’isuku n’isukura, aho yibukije inteko rusange ko inyigo yakozwe na Minisiteri y’Umutungo Kamere yo mu 2015, yagaragaje ko u Rwanda rukoresha miliyari zisaga ibihumbi bitandatu bya metero kibe buri mwaka, nubwo muri rusange, u Rwanda ruri mu bihugu bifite ikibazo cy’amazi adahagije.

JPEG - 62.7 kb
Minisitiri w’Intebe Anastase Murekezi

Murekezi yavuze ko mu cyerekezo cya 2030, hazaba hubatswe nibura inganda zifite ubushobozi bwo gutunganya amazi angana na metero kibe 428 buri munsi, mu gihe mu mwaka utaha wa 2017, hazaba hari inganda zishobora gutunganya nibura metero kibe ibihumbi 145 ku munsi.

Yanashimangiye ko Leta igiye guhagurukira abazamura ibiciro by’amazi uko bishakiye.

Abadepite banenze Umushinga wa Mutobo

Bamwe mu badepite by’umwihariko Hon Mporanyi yagejeje kuri Minisitiri w’Intebe ikibazo cy’umushinga wa Mutobo wagombaga gutanga igisubizo ku kibazo cy’amazi make mu mujyi wa Kigali, ariko ukaba utarigeze ugera ku ntego.

Akomeza asaba ko hajya habaho gahunda yo gukurikirana ba rwiyemezamirimo bahabwa akazi ko gutunganya imiyoboro y’amazi mu cyaro, yamara kurangira, abaturage bakabona amazi mu minsi ya mbere yo gutaha ayo mazi, nyuma akabura abantu bose bagaterera iyo kandi iyo mishinga iba yaratwaye akayabo k’amafaranga.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.