2017-06-28 15:02:12 clouds 27o High | Kigali Rwanda

Dukurikire:
 
 

Imihanda ya Kigali- Muhanga na Kigali-Musanze yafunguwe

Yanditswe na IMVAHO NSHYA

Kuya 2016-05-10 08:49:34

 
Share on:
 
Yasuwe:11
 
Yavuzweho:200
 
10
 
10

Umuhanda uhuza umujyi wa Kigali na Musanze n’uhuza Kigali na Muhanga yongeye gufungurwa nyuma yo kumara umunsi ifunze kubera ingaruka z’imvura idasanzwe yibasiye amajyaruguru n’uburengerazuba bw’u Rwanda.

Umuhanda uva i Kigali werekeza i Muhanga wuzuriwe n’uruzi rwa Nyabarongo hafi y’uruganda rwa Ruliba ku rugabano rw’akarere ka Nyarugenge na Kamonyi.

Mu gitondo cyo kuri uyu wa 10 Gicurasi, imodoka zongeye gukomorerwa kuwucamo ariko amazi yari akiwutwikiriye ku kiraro gihuza Kigali n’akarere ka Kamonyi.

JPEG - 30.9 kb
Uruzi rwa Nyabarongo rwuzuriye umuhanda Kigali- Muhanga urafungwa kuri ubu hasigaye amazi make cyane atwikiriye umuhanda

Ubwo uyu muhanda wafungurwaga hari abayobozi batandukanye n’abagenzi bifuzaga kwambuka bava cyangwa bajya mu mujyi wa Kigali.

Hari kandi Minisitiri w’Abakozi ba Leta n’Umurimo, Judith Uwizeye utuye mu karere ka Kamonyi wari wabujijwe kujya ku kazi n’umwuzure ku wa Mbere.

Kuri ubu hemerewe kwambuka imodoka zitwara abagenzi n’izindi zisanzwe ariko abafite izitwara imizigo iremereye, amagari, amapikipiki n’abanyamaguru basabwe gutegereza amaze akabanza akagabanuka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE