Advertisement
 
 
 
 
 
 
 
 

Amakuru | Mu Rwanda

Imanza za Gacaca zisigaye zigiye kurangizwa mu cyumweru kimwe   

  Yanditswe na NTAWITONDA JEAN CLAUDE
 May 2016

 
 

Minisiteri y’Ubutabera yatangaje ko Imanza za Gacaca zisigaye ku rwego rw’igihugu zigiye kurangizwa mu cyumweru cyahariwe ubufasha mu by’amategeko giteganyijwe guhera tariki 9 kugeza ku wa 13 Gicurasi 2016.

Bivugwa ko iki cyumweru cyateguwe ku bufatanye n’Ihuriro ry’Imiryango Itanga ubufasha mu by’Amategeko (LAF/Legal Aid Forum) kikaba kibaye ku nshuro ya munani guhera mu mwaka wa 2009.

Minisitiri w’Ubutabera akaba n’Intumwa Nkuru ya Leta Johnston Busingye, yatangaje ko iki cyumweru gisanzwe gitangwamo ubufasha mu by’amategeko ku bana, abagore, abagororwa n’abandi kizasiga 5% by’imanza za gacaca zisigaye ku rwego rw’igihugu zirangijwe.

Yagize ati “Muri iki cyumweru turashaka gushyira umwihariko ku kurangiza Imanza za Gacaca. Dusigaje imanza nkeya cyane mu rwego rw’igihugu ziri munsi ya 5% dutekereza ko tuzagerageza uko dushoboye izi manza zikarangizwa ku bwumvikane, mu buryo bukomeza ubumwe n’ubwiyunge bw’Abanyarwanda.”

JPEG - 226.7 kb
Minisitiri w’Ubutabera Johnston Busingye, ari kumwe na Andrew Kananga Umuyobozi wa LAF

Inkiko Gacaca zasojwe ku mugaragaro ku itariki ya 18 Kamena 2012 zimaze kuburanisha imanza miliyoni 1,9 mu myaka icumi, bikaba byarihutishije ubutabera ugereranije n’igihe byari gufata mu nkiko zisanzwe.

Minisitiri Busingye yavuze ko bashishikariza Abanyarwanda kwemera guhara ibyo batsindiwe kugira ngo birinde ko hakoreshwa ingufu mu kurangiza izi manza cyangwa izindi zose zisanzwe.

Umuyobozi wa LAF Kananga Andrew, yatangaje ko iki cyumweru cyahariwe gutanga ubufasha mu by’amategeko cyatanze umusururo ufatika kuko cyatangiye habarurwa abana bagera ku 1000 bafunzwe bakeneye kuburanishwa, ariko ubu ngo babarirwa kuri 7 gusa mu gihugu.

Bivugwa ko abahawe ubufasha mu by’amategeko, n’abafashijwe kunganirwa mu butabera bararenga ibihumbi 90 mu myaka irindwi iyi gahunda itangijwe.

Abanyarwanda barashishikarizwa kwitabira ibikorwa bizabera mu gihugu hose mu cyumweru gitaha ndetse n’abafite ibibazo byihariye bikeneye ubutabera bahawe ikaze ngo bazerekwe uburyo bakunganirwa.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.