Advertisement
 
 
 
 
 
 
 
 

Amakuru | Mu Rwanda

Ikoranabuhanga rya ’Cash Power’ rigiye kuvugururwa   

  Yanditswe na MUTUNGIREHE SAMUEL
 August 2016

 
 

Sosiyete itunganya ikanatanga ingufu z’amashanyarazi (EUCL) iratangaza ko guhera tariki ya 16 kugeza 29 Kanama 2016 , hateganyijwe ivugururwa ry’ikoranabuhanga ryo gutanga amashanyarazi rijyanye n’ibyuma bya "Cash Power"

EUCL ivuga ko I mirimo y’ivugurura ry’iyo mirongo rizahagarika serivisi yo kugura umuriro w’amashanyarazi amajoro 14 kuva tariki ya 16 Kanama kugeza 29 Kanama 2016, guhera saa tatu z’ijoro kugeza saa mbiri za mu gitondo gusa.

Umuyobozi Mukuru wa EUCL Maj Eng. Kalisa Jean Claude yabitangaje, yavuze ko izagira impinduka mu kugura umuriro ku bafatabuguzi ku masaha y’ijoro ariko umuriro utazabura kandi ntibibangamire serivisi zihabwa umufatabuguzi mu gihe ivugurura rizamara rikorwa.

Yavuze kandi ko iryo vugurura ry’imirimo y’amashanyarazi rije mu gihe nta kibazo cyihariye icyo kigo gifite mu gutanga serivisi z’amashanyarazi, ariko ko rigamije kongerera ingufu uburyo bwakoreshwaga mu gutanga no kugura umuriro w’amashanyarazi ari na ko birushaho kunoza no guha serivisi abakiliya mu buryo bwizewe.

Ati “Turagerageza gukemura ibibazo bitaravuka, kuko ubu nta kibazo kihariye dushaka gukemura. Hazavugururwa amakuru ku buryo hagize ikindi kibazo kivuka bitatugora kongera kubona amakuru buri munsi.”

JPEG - 64.7 kb
Eng Kalisa Jean Claude asobanura uko gusana ikoranabuhanga rya ’Cash Power’ ritazateza ibura ry’umuriro w’amashanyarazi (Foto REG)

Mu bindi iki kigo kivuga ko bizafasha gushyira ku murongo, harimo kubasha gushyira abakiliya mu byiciro hagendewe ku rwego barimo, aho batuye, inganda, urutere kimwe n’inzego za Leta bikoresha ingufu z’umuriro.

Nyuma y’imirimo y’ivugurura ry’imiyoboro y’amashanyarazi biteganyijwe ko bizafasha iki kigo kubasha kuburira no kumenyesha abakiliya bacyo impinduka iyo ari yo yose igiye kuba mbere hakoreshwa ubutumwa bugufi ku mirongo ya telefone y’itumanaho umukiliya akoresha.

Kugeza ubu Ikigo EUCL kibarura abakiliya bagera mu bihumbi 600 bakoresha umuriro w’amashanyarazi babarirwa ku kigero hafi ya 26% by’ingo.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.