2017-09-21 09:07:12 clouds 27o High | Kigali Rwanda

Dukurikire:
 
 

Ikinamico ‘L’espèce humaine’ yakinwe na Atome yashimwe n’abarimo na Jeannette Kagame

Yanditswe na IMVAHO NSHYA

Kuya 2017-06-28 09:56:38

 
Share on:
 
Yasuwe:75
 
Yavuzweho:200
 
10
 
10

Ntarindwa Diogène uzwi nka Atome yakinnye ikinamico yerekana amateka ya Jenoside yakorewe Abatutsi mu 1994, mu muhango witabiriwe na Jeannette Kagame hamwe n’abandi bantu biganjemo urubyiruko, abahanga mu by’amakinamico n’abanditsi b’ibitabo mu ijoro ryo ku wa 27 Kamena 2017 .

Bamwe mu bitabiriye kureba iyi kinamico bashimye uburyo iteguwemo, banavuga ko iziye igihe kuko muri iki gihe abapfobya n’abahakana Jenoside yakorewe Abatutsi mu 1994 bakomeza kwiyongera, akaba ari yo mpamvu hari hakenewe uburyo butandukanye bwo kwerekana ukuri kw’ibyabaye mu rwego rwo guca intege abo bapfobya.

JPEG - 90.2 kb
Jeannette Kagame, Dr. Bizimana, na Minisitiri Uwacu Julienne bari baje kurebe L’Espece Humaine

Dr. Bizimana Jean Damascene uyobora Komisiyo y’igihugu yo kurwanya Jenoside (CNLG), avuga ko ishobora kwifashishwa mu guhashya abahakana n’abapfobya Jenoside.

Yagize ati “Ubu buryo bwo gukina mwerekana amateka ya Jenoside binyuze mu makinamico bifasha abantu b’ingeri zoze cyane cyane urubyiruko kumva neza uburemere bwa Jenoside, ntekereza ko ari na bumwe mu buryo bwiza bwakoreshwa ku ruhande rw’ubutabera, ni byiza ko ibi na none bikinwa n’abantu basobanutse nk’abiga muri kaminuza, cyane ko n’abapfobya bakanahakana Jenoside akenshi nabo bari muri urwo rwego. Ni yo mpamvu ari ingenzi ko n’abandi bahanga nk’amwe barwanya iryo pfobwa mu buryo nk’ubu.”

Ikinamico ‘L’espèce humaine’ ikinwa mu rurimi rw’Igifaransa, ishingiye ku gitabo nacyo cyitwa ‘L’espèce humaine’, bisobanura “Inyokomuntu” mu Kinyarwanda, cyanditswe na Robert Antelme, uyu akaba yararokotse mu nkambi y’Abanazi mu gihe cya Jenoside yakorewe Abayahudi.

JPEG - 129.5 kb
Abafatanyije na Atome gukina bakiriye ibibazo bijyanye n’ikinamico

Muri icyo gitabo cya Robert Antelme asobanuramo ubuzima bwo mu nkambi z’abanazi aho na we ubwe yabaye ariko akanagenda asobanura icyo umuntu ari cyo, yerekana kandi uburyo mu gihe cy’ubwicanyi na Jenoside iteka abantu bahinduka ku buryo uko umuntu aba abatekereza atari ko birangira bamwigaragarije kuko abo ukekera kwitwara neza birangira babaye abagome naho abo wabonaga nk’abagome rimwe na rimwe bakaba abantu beza.

Anagaragaza kandi n’uburyo umuntu ari uw’agaciro ku buryo kwicana bidakwiye kuranga abantu.

Umukino ’L’espèce humaine’ wateguwe ku bufatanye bw’abantu b’intiti batandukanye barimo Edgar Morin ugeze mu za bukuru muri iki gihe, Louis Georges Tin uyobora umuryango uhuriza hamwe abirabura baba mu Bufaransa.

Atome yawukinanye n’abandi bakinnyi bakomeye i Burayi barimo uwitwa Maylis Bouffartigues, Yarol Stubert n’abandi.

NIYONSENGA SCHADRACK

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE