Advertisement
 
 
 
 
 
 
 
 

Amakuru | Mu Rwanda

Igitera umuyobozi kwegura gisa n’icyatumye atangira akazi-MINALOC   

  Yanditswe na NTAWITONDA JEAN CLAUDE
 3 weeks ago

 
 

Minisiteri y’Ubutegetsi bw’Igihugu (MINALOC) isanga nta gikuba cya citse muri iki gihe hamaze iminsi havugwa inkubiri y’Abanyamabanga Nshingwabikorwa b’imirenenge n’abandi bayobozi b’inzego z’ibanze begura bavuga ko babitewe n’impamvu zabo bwite.

Umunyamabanga wa Leta muri ushinzwe iterambere ry’abaturage, Vincent Munyeshyaka, yavuguruje abakeka ko hari ikibazo kidasanzwe mu nzego z’ibanze gituma abayobozi bakomeza kwegura ubutitsa, ashimangira ko abasezera ari uburenganzira bwabo.

Munyeshyaka yagarutse kuri iki kibazo ubwo yaganiraga n’abanyamakuru ku wa kane tariki 10 Ugushyingo 2016 nyuma yo gusura ibikorwa by’abafatanyabikorwa b’Akarere ka Kicukiro bari mu imurikabikorwa rigamije gushyira ku mugaragara ibikorwa byabo.

Yasobanuye ko buri muyobozi wese afite amahitamo yo kuyobora cyangwa agasezera mu gihe abona atabashije gusohoza inshingano yahawe, cyagwa se ashaka guhindura imirimo mu buryo butabangamiye imikorere y’urwego ayoboye.

Yagize ati “Impamvu zituma umuntu ava mu kazi zisa n’izatumye akajyamo. Zishobora kuba impamvu ze yumva atagishaka gukora umurimo runaka, cyangwa bitewe n’uko ashaka guhindura akajya mu bindi ariko biranashoboka no kuva mu mpamvu z’imikorere, kuko ukora nabi ngira ngo ntabwo twamwihanganira.”

JPEG - 189.9 kb
Umunyamabanga wa Leta muri ushinzwe iterambere ry’abaturage Vincent Munyeshyaka, avugana n’itangazamakuru

Yahamije ko MINALOC ibona ari ibintu bisanzwe mu gihe mu Rwanda habarurwa imirenge 416 hahakaba hamaze kuvugwa abayobozi bari hagati ya 40 na 50 beguye bahinduye akazi cyangwa bakavuyeho ku mpamvu zabo bwite.

Yakomeje asaba abanyamakuru kunyomoza niba koko hari igitutu kibashyirwaho bibariza ba nyiri ubwite, ati “Mushatse ibisobanuro birenzeho na bo mwabavugisha kuko ni Abanyarwanda bakabaha impamvu ziri gutuma begura. Gusa hari igihe wajya mu marushanwa yo kwirukanka wagera hagati ugasanga utabishoboye, ukavamo. Sinzi niba ari byo wakwita igitutu ariko icyo navugaga wabyita igitutu utabyita igitutu bigaragara ko bishobora kuva ku mpamvu zawe kubera ko wumva udashoboye cyangwa ufite ibindi bitekerezo.”

Mu mpera z’ukwezi gushize Munyeshyaka yatangarije kimwe mu bitangazamakuru byo mu Rwanda ko hakirimo gukorwa igenzura ngo harebwe igituma abayobozi begurira rimwe uretse ko ngo ntawahatirwa gukora imirimo adashaka, akaba ari yo mpamvu abayobozi bafite uburenganzira bwo kwegura mu gihe babona batuzuza inshingano zabo neza.

Iyo umuyobozi yeguye ngo aba atanze amahirwe yo gushaka umusimbura ushobora kuzuza inshingazo yananiwe.

Abaturage ntibabona ibitera ukwegura cyangwa kweguzwa mu nzego z’ibanze kimwe ariko bahamya ko biterwa n’impamvu wamenya uzibwiwe na nyiri ubwite, cyangwa se mu gihe hari amakuru atangwa n’inzego zibifitiye ububasha zerekana imikorere ye idahwitse.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.